Tick Talk (Closed)

星期日出發去長沙灣探朋友，離開時候發現呢間賣飲品專門店。店鋪位於順寧度遊樂場旁，位置並不難找。而距離地鐵站亦有一段距離。Tick-Talk 聽名字上黎大概都估得到唔係連鎖式飲品店。既然是小店，當然會有一D意想唔到招牌特式飲品。朋友介紹佢經常會到樓下光顧，而每次都會揀生薑蜂蜜檸檬茶。既然係朋友介紹當然要買杯啦。生薑蜂蜜檸檬茶(Ginger Honey Lemon Tea)呢杯生薑蜂蜜檸檬茶一入口薑味濃郁，之後再有點甜甜既峰蜜味，飲完即刻全身都暖粒粒，啱晒冬天保暖飲用之餘又滋潤。熱帶水果茶(Tropical Passion Fruit Tea)同行男友就揀咗呢杯凍GE水果茶。水果茶味配合幾適中，清甜得黎又有些少果香。定價唔算高，份量亦都適中。