BRICK LANE Deli (Closed)

無意中發現Brick Lane進駐了新城市廣場，於是放工順路過黎一試。店員好主動接待，坐低睇完餐牌之後，只要拎住檯面上的檯號就可以出去counter直接落單。晚市餐牌都好多款選擇，有傳統英式all day breakfast，fish n chips之外，亦都有Pizza，意粉等好飽肚嘅主食。忙完一日真係好肚餓，於是叫左好多嘢食。Lobster Eggs Benedict 荷蘭汁配上一粒一粒龍蝦肉，再加上蛋汁，味道意想不到的夾。½ Grilled Chicken 雞肉烤完可以繼續保存到肉汁，唔會變得好乾好鞋，雞胸厚肉部分都仲係好嫩，呢個值得推薦，至於配菜的薯蓉都好滑好香。Guinness Beef Stew with Bread 牛肉燉得好稔好入味，而且份量好大份，即使只係配麵包都已經好飽肚。其實甜品都好吸引，但由於實在係好飽，食唔落，下次有機會要過黎試下佢啲甜品。