帝廊

Open Now

Now Closed

每星期有兩日7:30要上堂，晚餐又未食得落，唔食嘢上堂中途又會好肚餓...成日唔知去食乜。老公早前申請了Regal Card, 有些cash coupon, 咁就唔好嘥，上堂隔離就係富豪酒店，入去食件cake 去上堂就fit 晒。服務員得一個，在近長樓梯疑似正門的入口係無人理會的（或者要慢慢等），要走近餅店的櫃檯才找到人帶位，入口卻在屏風則的罅位入😅。服務員不及平時的親切，不過也很好禮貌。星期六6pm去無人咁劑，坐下隨即點了件Opera 同熱檸茶。Opera 一早也預了它偏甜的，朱古力味很香濃，面上脆脆很香很脆口，少人去但蛋糕很新鮮的。檸茶ok la, 但點解唔係用樓上buffet 的Twinings 茶而係用Lipton, 那會更香茶味啊。佢一set cake and tea$128 加一，四五星的酒店來說還勉強接受吧。不過我有cash coupon 個人覺得「你仲想點？」哈！食完蛋糕嘆住杯茶，在樓底高高又不多人又坐得舒服的環境備課，係爽皮的。