GAVI

Open Now

Now Closed

今晚收工同朋友一齊去食晚餐，Chill 一下。係觀塘碼頭附近搵咗一間環境非常優美又舒適嘅西餐廳-Gavi。餐廳地方非常寬敞，侍應都非常nice，美食都有水準，今次點咗一份香煎帶子芒果莎莎、蜜汁燒焗花雕醉香雞，味道都唔錯，值得推薦！香煎帶子芒果莎莎係一道非常有賣相嘅前菜！香煎帶子芒果莎莎色彩繽紛、上面嘅芒果、洋蔥等食材製成莎莎，味道酸甜清爽，令人開胃。而帶子煎得非常香口嫩滑，鮮甜大隻！蜜汁燒焗花雕醉香雞烤焗方法令到雞肉汁鎖上，非常juice，而且口感嫩滑，帶著淡淡嘅花雕酒香，雞皮皮薄又香脆。飲品我哋點咗利賓納荔枝乳酸梳打、水蜜桃乳酸梳打，兩杯飲品都非常清爽又香甜，解油膩一流。個人比較喜歡利賓納荔枝乳酸梳打，有荔枝果肉係飲品入面，非常香，絕對係夏日必點嘅飲品！