Video
Read full review
2021-02-28
2977 views
🎀熊妹好耐都冇同懶懶熊去行街，新年前大家各有各忙，終於到新春假期有啲時間出嚟食下野行吓街休閒一下。📌講到休閒，梗係要去間休閒茶餐廳食個休閒下午茶啦！位於旺角「MOKO Mall」嘅《Momoku》添加左韓國風味嘅港式茶餐廳，食物款式都幾特別，可以試吓。📌餐廳環境都幾大，有圓枱，有四人枱，有梳化枱🛋，不過咁啱係午餐撘下午茶時段，人數比較多，要搭枱，變成坐得比較逼夾啦。📌下午茶餐牌款式都多，有焗飯🍛、意粉🍝、炸髀薯條🍟、芝士炸雞🍗等等，價錢$30至$44，仲包嘢飲🥤，真係抵食又吸引。半溶芝士鮮茄肉醬扁意粉，$38懶懶熊未食午餐，小食一定唔夠佢喉。不嬲鍾意濃味嘅佢就揀咗肉醬意粉。小心⚠️鐵板呈上好熱㗎！鐵板就可以保持住芝士🧀嘅半溶狀態，唔錯。芝士同肉醬材料好足，淡淡都拉到芝士絲同滿口肉醬碎，口感真係好滿足。意粉用上扁意粉，硬身比較有咬口，咁樣配搭都幾好味喎。吉列脆炸魚柳 · 脆炸薯條，$32魚柳啖啖肉，吉列炸粉皮唔厚，點上沙律醬真係好滋味。薯條🍟唔粗唔幼，薯仔肉好腍身，連埋調味粉一齊炸，再點茄汁🥫，好味。魔鬼芝士 · 一口炸雞，$34熊妹一心就係想試佢個炸雞芝士，就算點左個餐都要試吓啦，好少啫
📌講到休閒，梗係要去間休閒茶餐廳食個休閒下午茶啦！位於旺角「MOKO Mall」嘅《Momoku》添加左韓國風味嘅港式茶餐廳，食物款式都幾特別，可以試吓。
📌餐廳環境都幾大，有圓枱，有四人枱，有梳化枱🛋，不過咁啱係午餐撘下午茶時段，人數比較多，要搭枱，變成坐得比較逼夾啦。
📌下午茶餐牌款式都多，有焗飯🍛、意粉🍝、炸髀薯條🍟、芝士炸雞🍗等等，價錢$30至$44，仲包嘢飲🥤，真係抵食又吸引。
半溶芝士鮮茄肉醬扁意粉
$38
65 views
0 likes
0 comments
懶懶熊未食午餐，小食一定唔夠佢喉。不嬲鍾意濃味嘅佢就揀咗肉醬意粉。
小心⚠️鐵板呈上好熱㗎！鐵板就可以保持住芝士🧀嘅半溶狀態，唔錯。
芝士同肉醬材料好足，淡淡都拉到芝士絲同滿口肉醬碎，口感真係好滿足。意粉用上扁意粉，硬身比較有咬口，咁樣配搭都幾好味喎。
吉列脆炸魚柳 · 脆炸薯條
$32
47 views
0 likes
0 comments
魚柳啖啖肉，吉列炸粉皮唔厚，點上沙律醬真係好滋味。
薯條🍟唔粗唔幼，薯仔肉好腍身，連埋調味粉一齊炸，再點茄汁🥫，好味。
魔鬼芝士 · 一口炸雞
$34
53 views
0 likes
0 comments
熊妹一心就係想試佢個炸雞芝士，就算點左個餐都要試吓啦，好少啫。
小心啲熱溶芝士🧀係鐵板呈上，會辣親手啊！炸雞有五六粒，啱啱炸起熱辣辣，炸皮唔算厚，又唔算好脆口嗰種奇趣炸皮，變成冇咁油膩。雞肉🐥好嫩滑，趁熱食仲有啲肉汁，非常合格嘅炸雞。
熱溶芝士有cheddar同mozzarella，芝士味好濃厚，鐵板熱辣辣繼續令到芝士處於半溶狀態，可以撈上炸雞咁食，真係超邪惡又美味嘅下午茶小食。
凍檸茶
34 views
0 likes
0 comments
三份下午茶就梗係三杯嘢飲啦。凍檸茶同凍檸茶少甜少冰🍹，檸檬茶竟然冇檸檬片？但茶味幾重，檸檬味又夠酸，就算冇新鮮檸檬片🍋篤篤篤，味道都配制得幾好喎！
📌埋單$110，非常休閒地過咗個下午茶時光，跟住就輕輕鬆鬆行街去。🛍
Post
