Video
Read full review
2019-06-22
80 views
約咗朋友喺銅鑼灣食飯，佢話想食台灣嘢，本來仲打算上網 Search 下，看看有甚麼選擇，沒想到友人已經一馬當先，帶咗我去世貿中心入面嗰間「茶木‧台式休閒餐廳」。原來朋友一向是「茶木」的粉絲，尤其喜愛店裡的甜品，如蜜糖磚塊和竹炭吐司等，所以想趁機來再回味一下。 餐廳走休閒小清新風格，門面用上柔和嘅水藍色為主調，而室內設計則以海洋為主題，配上一室柔和的燈光，營造出自然舒服的氛圍。由於這天天氣比較熱，所以入座後，第一時間先揀飲品。我點咗杯西瓜柳丁蘆薈 ($43)，而朋友就揀咗藍莓希臘式優格特飲 ($44)。柳丁蘆薈用上西瓜、鮮橙及蘆薈炮製而成，入口西瓜味非常突出，而且入面仲有粒粒蘆薈果肉，真材實料，既清新又解渴。友人很慷慨，讓我試咗佢嗰杯藍莓優格，質感很 creamy，帶藍莓果香，味道酸酸甜甜，幾醒胃。至於食物方面，由於友人是「茶木」嘅常客，所以今次點菜的任務就一於交由她發板。 先來一客黑醋味醂豬軟骨 ($68)，看過餐牌，原來這款菜式是新出品，成品以小火爐烘著上桌，讓豬軟骨保持溫度，做法實在窩心。豬軟骨非常大件，肉質很軟很腍，吃到啫喱狀的軟骨，入口甘香幼滑，骨膠原豐富。至於配料就有洋蔥、紅
約咗朋友喺銅鑼灣食飯，佢話想食台灣嘢，本來仲打算上網 Search 下，看看有甚麼選擇，沒想到友人已經一馬當先，帶咗我去世貿中心入面嗰間「茶木‧台式休閒餐廳」。原來朋友一向是「茶木」的粉絲，尤其喜愛店裡的甜品，如蜜糖磚塊和竹炭吐司等，所以想趁機來再回味一下。 
餐廳走休閒小清新風格，門面用上柔和嘅水藍色為主調，而室內設計則以海洋為主題，配上一室柔和的燈光，營造出自然舒服的氛圍。
由於這天天氣比較熱，所以入座後，第一時間先揀飲品。我點咗杯西瓜柳丁蘆薈 ($43)，而朋友就揀咗藍莓希臘式優格特飲 ($44)。柳丁蘆薈用上西瓜、鮮橙及蘆薈炮製而成，入口西瓜味非常突出，而且入面仲有粒粒蘆薈果肉，真材實料，既清新又解渴。友人很慷慨，讓我試咗佢嗰杯藍莓優格，質感很 creamy，帶藍莓果香，味道酸酸甜甜，幾醒胃。
至於食物方面，由於友人是「茶木」嘅常客，所以今次點菜的任務就一於交由她發板。 
先來一客黑醋味醂豬軟骨 ($68)，看過餐牌，原來這款菜式是新出品，成品以小火爐烘著上桌，讓豬軟骨保持溫度，做法實在窩心。豬軟骨非常大件，肉質很軟很腍，吃到啫喱狀的軟骨，入口甘香幼滑，骨膠原豐富。至於配料就有洋蔥、紅蘿蔔同白蘿蔔，配埋豬軟骨食，味道變得更香甜。
接著是一客蚵嗲肉碎泡飯 ($82)，原粒的飯夠飽肚，軟腍而不失韌感。而主角蠔仔更是鮮美甘香，外形脹卜卜，顆顆飽滿，又肥又鮮甜，而且份量勁多，令人吃不停口，加上泡飯入面加咗芫荽同肉碎，令味道更濃郁，撒上一點胡椒粉吃，口感很豐富。
甜品本來還以為朋友會揀蜜糖磚塊或竹炭吐司，估唔到友人今次有新目標，就係呢款新出品黑白配三味吐司條 ($50)。吐司條以金色小鐵桶盛著，上桌時還配有三款醬料，包括巧克力優格、白雪糖漿及起司奶蓋。兩款吐司條都非常好吃，鬆脆感十足。巧克力優格質感輕柔細滑，不過就稍嫌朱古力味不夠濃郁；白雪糖漿甜度剛好；而起司奶蓋就帶絲絲鹹香與奶香，以吐司條沾著來吃，直教人食指大動。
整體來說，食物水準真的不錯，不但碟頭足、選擇多，而且價錢合理，幾適合同朋友放工後嚟食下飯、傾下偈。
Post
