The Butchers Club Grille (Closed)

二十幾年前喺鰂魚涌返工，冇啖好食，全部都係工業大廈，冇乜餐廳。今日約咗朋友佢午飯時間喺附近約見面同傾偈。嚟到鰂魚涌，變化真係好大，多咗好多好靚嘅寫字樓大廈，同埋好靚嘅餐廳。今日朋友訂咗枱食西餐。佢話開咗冇幾耐，想試吓。我同朋友叫咗牛油果凱撒沙律做頭盤，沙律好新鮮， 牛油果都好大嚿。主菜我叫咗澳洲熟成手柳，份量啱啱好，好juicy同有牛肉味。我朋友叫咗個烤鱸魚，佢話甜甜地，好香，幾特別同幾好味。食完叫咗杯咖啡繼續傾偈，餐廳由坐滿人到剩低一兩枱，最後我哋都走呢。餐廳有個小角落係室外，方便啲鍾意自然風嘅客人。 夥計有啲應該係ABC講英文，但係全部都好有禮貌。