The Butchers Club Grille (Closed)

朋友有養狗，我過海去搵佢食嘢，佢介紹左呢間可以帶埋狗狗去食嘢嘅西餐廳食扒點左佢嘅卡邦尼黑松露意粉同Rib-eye steak，我平時唔係太鍾意食rib-eye，都覺得好好食！好多汁！而佢嘅黑松露意粉，好creamy!!!!😋餐廳嘅環境都好闊落，我哋兩個人加埋隻狗，都可以坐到一張大枱職員都好Nice，會主動俾水比狗狗飲另外值得一讚嘅係，呢間西餐嘅食物都好大份，唔會好似其他西餐咁得個碗大！滿足晒我呢啲胃口大嘅人😂如果下次過海，都會再幫襯！

見以前Butcher club好好食就黎呢間試下佢既burger同牛扒啦點知完全唔係果回事廚師似完全唔識煮野食，所有肉類好似烚出黎咁冇黎火氣。入面仲要生既，牛扒聲稱dry aged 45日，但食落似變質兼煮唔熟既牛扒。Burger舊肉係凍包冇煎過，所有配料係m記級數，但收緊$200個包蟹餅個皮淋晒，入面都唔熱叫medium rare牛扒，出面完全冇brown，切開入面暗紅色，食落好臭本人食過好多次dry aged完全唔係呢個味，懷疑佢處理得唔好，用令食物有菌埋單近$400/位，同行人士食完第二日都又屙又嘔，好恐怖既經歷。希望呢間野唔好再害人，大家見食評止步。能救一個得一個身體健康最寶貴

**2-course lunch set** $198包了前菜同主菜 另外要甜品同咖啡的話要加錢.前菜加了$20要 crab cake 呢款唔錯 推薦可加錢一試主菜選擇了burger 🍔 但我覺得薯條先係最吸引🤪 上面鋪滿了芝士碎 樣貌吸引 而且熱辣辣 好食👍🏻Burger 都唔錯 雖然較細個 但女士會好啱 男士就未必夠足夠 但食哂薯條就好飽喇😂服務很好 外籍經理笑容燦爛 很friendly的樣子 店舖頗大 坐得舒服 適合要傾計聚餐 好像還有happy hour

📍 The Butchers Club Grille——————————————————🐮｜ 澳洲穀飼牛柳💰258——————————————————紀錄下一週年男朋友帶我食嘅大餐呢個牛排咬耐左會有陣特別嘅味道唔會韌而且無咩筋 肉汁好多點醬或者就咁食都好夠味——————————————————🐑｜ 炭燒蒙古羊扒💰148——————————————————羊架唔腥 不過有少少韌上面嘅醬有少少搶味 無醬好似好味啲——————————————————🍚｜蟹肉叻沙咖喱燴飯 💰108——————————————————好特別嘅risotto 嘅醬汁完全還原到椰汁味偏重 蟹肉新鮮結實 飯實心有咬口——————————————————🐷｜ 燒烤醬豬肋骨💰198——————————————————醬汁香口濃郁 個人覺得呢道係最好食 連骨位嘅肉嫩滑 不過其他位會有少少hai——————————————————🐣性價比： 7/10🫨回頭率： 7/10👅味道： 7.5/10——————————————————地址：鰂魚涌華蘭路12號惠安苑地舖

多個月前的weekend（遲咗報），－家大小食個午餐，見到店內環境靜靜地，又有burger(小弟致愛），－於入去，經過大門口已經知道係Pet Lover而設，有動物玩具又有寵物零食任食，真係肥仔。入返正題：我們叫左經典卡邦尼意粉、經典漢堡、沙津、拼盤等；（唔好意思，掛住食冇乜影相）沙津及意粉有驚喜，所以我見意有機會一定要食，burger都唔錯，只係冇沙津及意粉咁特出，拼盤冇驚喜，－班人食可以試吓。有一間房仔，如果夠人數圍埋熱鬧下都唔錯。

🍔招牌蟹餅漢堡 $188蟹餅🦀有驚喜，啖啖蟹肉有蟹味香脆，唔系油脆唔會粉而系扎實👍🏻，配搭芫茜乳酪醬perfect match，再配爽口青瓜🥒生菜🥬蕃茄🍅，口感豐富，麵包軟熟，不過Burger比較細份🫢，黑松露薯條🍟好好食，沽滿黑松露，脆身而且份量多😝.✨餐廳主打Burger同扒，斧頭扒都好吸引🤩，環境舒適，適合暢談，座位闊，gathering好地方

The Butchers Club Grille係一間主打牛扒嘅餐廳，有日响OpenRice見到網上book枱有主菜買一送一就即刻去試試！ 去到餐廳職員見我哋有小朋友都安排咗個較便利位置，不得不提及呢度都有outdoor位置比有養寵物嘅顧客，非常貼心。呢度餐牌主菜就有買一送一，如果講抵食其實食burger 同埋意大利粉CP值最高，$188 就有兩樣。 但我同先生都想鋸扒就叫咗兩份bone-in strip, 每份都有340g。另外撞正happy hour 紅白酒買一送一，平均$25 就有一杯Merlot，真係超抵。bone-in strip $358HKD(買一送一）配菜有些少蕃茄仔，沙律菜，同半個焗到勁香嘅蒜頭🧄 牛扒夾埋蒜頭食不單增加味道層次，而且仲降低油膩感。另外我哋仲加配咗黑松露薯條，埋單係$548HKD。 以環境、服務、同食物與質素嚟講我都會推介大家嚟一試。PS: 主菜買一送一只限每日5-6:30pm 🍽️ 想試就要快啲經OpenRice 訂枱喇

網上見到這間餐廳食物評分不錯，就星期日去試吓個lunch。入門口見到只得兩枱，但唔緊要，都來到試下啦！我地入到去叫侍應攞BB凳，佢攞完擺左係向行人路個主席位個度，我同佢講BB凳放入面，佢話放唔到，然後我問佢點解放唔到，拉開啲凳出來咪放到囉。跟住個侍應無理我走開左企返埋吧枱度唔望我地！之後我地嬲得滯唔想食就走左！生意已經難做，佢係咪想倒老細米……

9月份星期二 漢堡包買一送一優惠只限單點漢堡包, 由於優惠實在吸引, 我哋放棄左lunch set選了單點買一送一牛肉夠juicy 👍 整體感覺絕對對得起買一送一這個優惠價格 🙈

Weekend 小朋友要安排節目，去鰂魚涌嗰邊玩跳彈床，一去到就玩幾個鐘。之後肚餓諗吓去邊度食嘢，上網見到呢間有兒童餐又有漢堡包好似唔錯。個日下午去到坐窗口位，都幾舒服。侍應俾咗主餐牌同埋兒童餐，都算有幾多選擇，大女揀咗食煙肉蘑菇扁意粉配牛油粟米，個細仔就揀咗食漢堡包同薯條，一人一個餐仲包杯飲品。大人就叫左前菜有大蝦蘆筍，叫多個豬肋骨，幾個人share都夠飽。Overall唔失望，係附近玩完再過去食野都唔錯 👍

朋友都係鰂魚涌附近返工，知道呢間餐廳有出Truffle Thursday 逢星期四飲happy hour有免費黑松露薯條食，平時都賣$58份。新鮮熱辣炸好一份份咁上菜，食完一份可以再嗌，我地5:30左右到都唔使等位。睇佢poster話星期四由5-7pm 供應，又有室外可以坐chill 下。飲品選擇都ok，紅、白酒$50兩杯，啤酒都有。食完大家都覺得好抵，幾十蚊有得坐、有得飲、有得食，放工之後去鬆下真係唔錯！

佢哋D promotion去到嘅時候就會無貨. 今日星期二社交平台出promotion buy 1 get 1 free burger, 同日7點前到. 店員話無貨因為上星期五打風. 見到其他人都有差唔多經歷. 睇嚟I’m not alone😵‍💫

「十周年慶祝活動]提提你，今個星期六、日，8月26-27號我地做全單半價 ！在社交媒體網站見到佢有活動全單半價，所以我訂枱了，當日收到店舖電話confirm booking 並講牛扒同酒精飲品沒有半價。但社交媒體網站寫 whole menu 50% off！ 我問店舖牛扒不是在Menu入面嗎？他說有條款，但我話係社交媒體網站話有條款，但沒有寫咩條款，你寫全單半價，一間牛扒店無諗過whole menu 唔包牛扒？！咁寫會唔會取巧？食過一次都已經唔算好，諗住半價比多次機會點知....恭喜你沒有蝕半價的牛扒，但應該唔會再去了......

位於鰂魚涌的The Butchers Club Grille 是一間主打吃牛扒的餐廳，最近推出了神秘夏日海陸雙鮮套餐，每人只需HKD338 即可享用牛扒加海鮮，海鮮有龍蝦尾、蟹餅及大蝦等，同時更有多款配菜選擇，套餐除了可選擇咖啡或茶外，也有紅白酒提供，是個親民之選。分別試了3分及5分熟的穀飼牛柳，友人和我推薦3分熟那款，牛扒粉紅嫩心，肉汁鎖在牛扒內，入口肉質軟嫩，非常好吃！海鮮方面強烈推介煙肉魔鬼蝦，煙肉包裹著蝦肉，配上南瓜蓉及栗米風味醬，酸酸甜甜的醬汁加上洋蔥辣椒碎令蝦肉味道昇華而豐富口感，帶來多種層次，極為滋味，絕對是誠意之作。另外龍蝦尾也很不錯，新鮮爽彈，啖啖肉。配菜選了蒜香炒白蘑菇及芝士黑松露薯條。最後以經典的朱古力心太軟蛋糕和焦糖布甸作結，滿足。

上星期weekday專登走過去食lunch, 試下個burger有幾正。頭盤揀carrot cream soup, 係幾好飲，味道唔錯，夠滑夠creamy。再嚟burger +黑松露薯條。先講薯條，份量係夠嘅，好脆，黑松露+醬汁都足夠，無投訴。可惜burger同之前食評所講一樣，漢堡扒太乾，無汁。成個burger味道配搭係OK嘅，個飽都烘得好脆，但個burger太細，女仔食都只係啱啱好。整體來講$198+1呢個份量真係貴咗D, 仲要唔包餐飲要另加$20要杯汽水，試一次就夠。