日作食堂

Open Now

Now Closed

日作食堂好有日系校園既感覺，小清新裝修好好睇。食物味道賣相都非常唔錯，距離地鐵站都係五分鐘路程，觀塘是靚午又多一個選擇😍我同朋友分別叫咗豬扒定食同吞拿魚丼，另外叫咗焦糖明太子玉子燒。❣️和風厚切吉列豚肉眼扒定食豬扒炸得酥脆，上檯仲熱辣辣，肉質鬆軟又有豚肉香味👍配埋酸甜口既炸豬扒汁，非常有和風既感覺✨定食包埋兩款小食同麵豉湯，我額外加咗份溫泉蛋。麵豉湯裡面有大大隻蜆，好好飲，定食既芽菜都比想像好食，非常唔錯👍就咁望以為唔算好大份，食到一半發現真係好飽肚，完全食唔曬😂❣️吞拿魚四色丼吞拿魚四色丼真係好吸引，睇落勁新鮮肥美🥹最好味一定係大拖，入口即化，油脂豐富魚味勁香，可能因為夠新鮮，食落完全唔膩。吞拿魚蓉用黎送飯一流❤️❣️焦糖明太子玉子燒聽個名都覺得好食，食落果然都冇令人失望😚玉子燒非常嫩滑，又好有蛋香味。表面一層薄脆焦糖，令口感味道都更豐富，明太子沙律醬都好夾，如果再多啲明太子味就更好了。