日作食堂

Open Now

Now Closed

午餐由百五至二百多元一位牛舌飯套餐，麵豉湯內有兩隻蜆，味道不錯，牛舌質地夠淋，飯裡面汁幾好味，但不是日本珍珠米Qr code 點餐，有圖夠清晰坐位唔太窄前菜包括黑豆同酸椰菜

觀塘鴻圖道離開APM大約五至8分鐘路程，有間日系Cafe，裝修以木同麻色系列為主。有小學讀書時候嘅枱椅，亦有體操堂跳馬嘅擺設，整體Cafe好寬敞。午市定食有10款選擇，包括慢煮牛舌，漢堡扒，鰻魚烏冬，，三文魚炒飯，吉列豬扒等等。可以追加溫泉蛋，餃子炸雞炸蠔，甜品仲有卷蛋，芝士蛋糕，雪糕。嚟到日系餐廳，當然要食吓魚生飯，一碗魚生鋪滿油甘魚，帶子，吞拿魚蓉，牡丹蝦，夠fresh，整個set包埋麵豉湯前菜。另外天婦羅魷魚係小食推介，份量都唔少，粗粗的魷魚，兩個人加兩碗飯，魷魚都食唔晒。最後來個cheese cake先圓滿。

觀塘區想搵間坐得舒服少少嘅日本野都唔容易，我鐘意呢度百幾蚊有定食有兩款前菜，有湯有菜感覺好健康。日作極上刺身丼有中拖羅、油甘魚、赤蝦、北海道帶子、吞拿魚蓉同三文魚籽，非常大堆頭，魚生仲多過飯。 款款都新鮮厚切，吞拿魚蓉同三文魚籽撈飯一流，赤蝦夠厚實夠甜。五目海鮮香濃蕃茄豚骨湯讚岐烏冬用料十足，有大蝦、魷魚、青口、蜆同腐皮福袋。 當中大蝦啖啖肉好鮮甜，係平時大蝦意粉作為主角嘅king size。 蕃茄湯底好濃味，烏冬夠彈牙。抹茶卷蛋同焦糖雞蛋布甸睇得又食得，唔會太甜，同朋友share食岩岩好。

推開石頭紋玻璃木門，被懸掛在上方的鈴鐺聲音牽引視線。探頭一看，實木鐵抽屜的校園桌椅整齊排列，牆壁上的黑板被白粉筆寫滿，還有體育課的跳馬木箱.....(1) 鮭魚山藥燒 + 醬油溏心蛋帆立貝湯烏冬麵鼓湯、日式涼拌洋蔥或是柚子醬椰菜，賣相還好，味道也是還好。山藥燒比起一般大阪燒，以山藥泥取代麵粉，口感與飽腹感都變得相對輕盈。但比較難控火候，導致味道帶苦。至於帆立貝湯烏冬，鰹魚昆布味道可以再重一些些，效果更佳。十一月渡口，收起了春夏。舊址已經變成現在的「日作食堂」。改天找您吃上一頓飯，可好。👨

🐟日作原條鰻魚野菜炒飯 $196原條燒鰻魚加炒飯底，鰻魚啖啖肉冇刺，肉質嫩口，用蛋，紅蘿蔔同粟米炒嘅飯好有鑊氣，粒粒乾身分明，用嘅係珍珠米好彈牙🍹綜合水果冰茶 $28加$28升級飲品嘅水果茶好解渴，唔會好甜，茶底香味濃🍱日作極上刺身丼 $240有兩隻大紅蝦刺身，兩片帆立貝，兩片油甘魚，一片赤身一片中拖，仲有拖羅魚蓉同三文魚子，好豐富，尤其是兩隻蝦非常大隻成隻手板咁長，刺身魚片亦好鮮甜🍹紫蘇青蘋果綠茶 $22有淡淡紫蘇葉嘅清香同蘋果味，飲落好fresh🍑白桃卷蛋 $42一碟有三件，卷蛋嘅cream 好香濃仲加咗白桃肉，食落好清甜一啲都唔溜，怕甜嘅都一定食到，蛋糕濕潤軟綿

自己好鍾意食日本料理，觀塘有咁多好嘢食，當然都有好選擇啦😎 經過呢間日作食堂，覺得佢嘅外觀裝修好有傳統日本風格，又見到佢嘅晚市套餐好吸引，有好多唔同嘅選擇㗎，全部都係我鍾意食嘅日式料理😍 一個套餐包咗定食、日本珍珠米（炒飯及烏冬除外）、麵豉湯、前菜同埋飲品🤗 仲可以追加小食同甜品添🥳 今日嘅前菜有豆卜同埋青瓜，兩款都有少少調味好開胃😍冰火燒菠蘿 🍍 平時行山都會食冰菠蘿，估唔到日本嘢食都可以有冰火燒菠蘿🤣 燒得好特別，菠蘿面脆脆地又有少少甜甜酸酸🤩岩鹽燒手羽 🐥 食日本嘢一定要試佢啲串燒，呢個雞翼係用咗鹽調味，都幾好食😊五目海鮮香濃蕃茄豚骨湯讚岐烏冬定食 🍜 其中一款我最鍾意食嘅定食係烏冬，佢個海鮮蕃茄豚骨湯底真係超正，好香嘅蕃茄味好惹味 🍅 仲有豐富嘅海鮮添😉 鐵板野菌蒜片M5和牛粒定食 🥩 M5和牛一定要試😛 鐵板煎得好香口，入口即溶，仲配埋野菌同蒜片 🍄‍🟫 呢個和牛配日本珍珠米一流 🍚 凍焙茶牛奶 🧉飲品一定要試佢嘅焙茶牛奶，好香焙茶味😇綜合水果冰茶 🍹如果想飲果茶嘅可以揀呢個，又有士多啤梨又有藍莓，甜甜哋幾好飲 🍓

之前去過兩間ALOT設計既Café/餐廳，覺得食物幾高質、而且裝修幾清新日式木系、環境舒服之餘仲完全唔馬虎，所以最近就去左觀塘另外一間食日式定食既【日作食堂】食晚餐。地方好大、超級寬敞，有沙發、有餐臺仲有學校書檯、真係打卡一流。特盛刺身定食：每一份定食都會有一碗味增湯同兩份時日小菜。時日小菜唔好睇佢唔係main，但都幾好食、尤其當日個豆卜。特盛刺身包括三文魚、三文魚籽、劍魚、赤身、帶子、赤蝦、磯煮鮑魚同有一碗珍珠米。全部刺身都好新鮮、爽口同鮮甜，而且每一塊都大大塊，最特別係有磯煮鮑魚。現烤自家和牛漢堡配溫泉玉子大根柚子醋定食：和牛漢堡都算好大塊、裏面juicy啖啖肉、香濃牛肉味。大根柚子醋好refreshing，可以去除牛肉既油膩感、好特別。溫泉玉子畫龍點睛、好creamy。岩手縣南部鷄串燒拼盤：包括鷄胸軟骨、鷄心、鷄肝、鷄腿肉、鷄皮，全部新鮮燒起，好新鮮熱辣。鷄胸軟骨比較少地方食到，同平時既雞軟骨唔同、個軟骨地方比較脆同硬少少，肉比較少。鷄心、鷄肝用左醬汁調味，會減少本身内臟既味道。個人最推薦鷄腿肉同鷄皮，燒得岩岩好，唔會太乾、鷄皮好脆。焙茶Latte：焙茶味道濃、唔會太甜。柚子桂花

食堂位於工廈地下，佔地面積大，座位之間有距離，坐得舒服。裝修係校園風格，有以前學校嘅枱櫈和黑板，很有從前返學嘅感覺。餐牌主打定食，包括海鮮麵豉湯和前菜，還有其他小食和飲品。塩燒白金豚腩串和醬燒北海道帆立貝帆立貝大大隻，略嫌燒得比較乾。五目海鮮香濃蕃茄豚骨湯讚岐烏冬定食蕃茄湯味香濃，鮮紅色湯底見到實在嘅蕃茄肉，真材實料，喝一口湯，真係好濃郁。配料頗多：海蝦大大隻，微微煎過，肉質彈牙。硯同青口都無沙。烏冬煙韌，配上蕃茄湯一流。現烤和牛漢堡配自家温泉玉子大根柚子醋定食驟眼看以為這個配搭比較乾，但唔好忽略温泉玉子，絕對係畫龍點睛。蛋汁包住珍珠米，蛋香夾住柚子香，帶點清新感覺。和牛牛味唔太濃，但無筋易咬，整體唔錯。茉莉奇異果綠茶和紫蘇青蘋果綠茶2杯飲品都唔太甜，奇異果綠茶比較清新，青蘋果綠茶帶有紫蘇嘅甘香，適合減膩。定食份量非常足夠，環境又舒適，食得非常滿足。

星期日晚8.幾左右去到唔太需要等位好多人食Shabu shabu 環境有啲似日式校園風🏫每個餐都有珍珠米 麵豉湯同兩款漬物🥣招牌咖喱安格斯牛肉旋風蛋定食 $168🍛日式咖喱 味道偏甜少少辣安格斯牛肉味都香 牛嘅油脂就唔係好多🐄咖喱嘅蘿蔔好甜🥕旋風蛋大概六七成熟 仲有少少流心日作厚切吉列北海道豚肉眼扒定食 $168🐖珍珠米上面有少少飯素吉列豬扒唔算太厚身 炸醬整得酥脆豬扒係有硬身少少 豬臊味就冇 肉汁都唔多巨峰提子卷蛋 $28🧁可能佢個卷蛋係放喺冰箱裏面雪卷蛋比較實心 唔似瑞士卷個蛋糕咁軟身得巨峰提子味少少甜 唔係幾識食得出有巨峰提子果肉🍇

路過觀塘，朋友介紹先至知有呢一間小店，佢嘅刺身丼唔錯，好大碗，揀炙燒丼都係因為佢哋有左口魚裙邊，我始終抵擋唔到佢嘅魅力，好彩呢間店冇令我失望，冇辦法，左口魚裙邊一定要炙燒再配合醬油先至好食😂帆立貝好厚，初初諗住普通料，不過食落口，因為佢夠厚，夠大粒，配合日式醬汁，炙燒完之後的確好食好多，純粹個人喜好，帆立貝始終都鍾意配醬汁燒完再食👍🏻女士嚟講其實我食唔晒，希望可以有得揀少飯，我覺得呢個價錢之下質素都好合格，選擇都夠，下次我一定會嚟食佢其他魚生丼，不過張木凳有啲硬😂

一朝早食個靚早餐，成日都醒神晒。繁忙嘅觀塘入面，低調入駐嘅日式餐廳，不單止有午餐，晚餐定食，仲有提供早餐，適合觀塘打工仔。餐廳裝修以懷舊課室做主題，空間感十足，無論單獨用膳，或相約三五知己聚餐都適合。見到份早餐，真係覺得好似去咗日本咁。咖啡或者玉露茶，仲可以免費添飲，好chill呢日式all day breakfast 大滿足，照燒雞扒夠厚身，一早就補充滿滿嘅蛋白質。仲有炸忌廉蟹肉餅、煙肉、炒蛋、多士、沙律同鮮果乳酪，一次滿足晒所有願望。有蔬菜同生果平衡返唔會太過膩。鹽燒三文魚柳、漬物、香蔥玉子定食見到呢份早餐真係好似去咗日本酒店咁，三文魚煎得香口不油膩，配上玉子，仲有麵豉湯，營養均衡，經典和式朝食組合

星期六晚上來到，除了單邊位外幾乎全滿座。幸好剛有人離開，我們可以坐卡位。整間餐廳裝修也很日系，感覺到有用心佈置。眼見大多數人也選了便當，我們也分別點了三文魚山藥燒溏心蛋配烏冬及吉列豚肉扒定食，另外也加錢追加抹茶卷蛋及芭菲，飲品選了凍抹茶。飲品先到，凍抹茶茶味很濃，飲了一半更嘗到抹茶的苦味。山藥燒先來，本身不太喜好山藥但味道不錯，加上大阪燒醬汁感覺像極吃大阪燒。三文魚厚身不乾，伴山藥燒一起吃頗夾。烏冬的帆立具是燒過的，標明選用蘭王蛋整既糖心蛋自然無得輸，烏冬看似細碗但拌開後份量不少，湯底不俗，整碗烏冬沒有過多調味也好吃。我吃到一半，吉烈豚肉扒才上桌。炸得鬆化味道尚算不錯，但我還是比較欣賞山藥燒，較有創意及多樣化。甜品茶卷沒有什麼特別，芭菲雪糕好滑，有點像壽司郎的軟雪糕，但其他配料沒有什麼特別，感覺不值加$58追加芭菲。總括來說，食物不錯，服務態度也很好，只是性價比不算高。入座時沒有告知有限定用餐時間，如果和很久不見的朋友好好傾偈，也算是不錯的選擇

觀塘街坊、附近的打工仔有福了😍觀塘日作食堂 早上8:00至11:00提供早餐🥣平日放假既我正好約左觀塘返工嘅朋友食早餐！早餐定食有10個選擇，最平$48起連埋飲品，無加一服務費，咖啡或者日式玉露茶仲可以無限添飲‼️🤩🤩餐廳地方都好闊落，空間感十足🆙唔會好迫，木系簡約風，有休閒舒適的感覺！中間仲有個跳馬台，加埋牆上嘅黑板，有少少日系教室嘅感覺😆環境好🉐平時西式all day Breakfast就食得多，今次揀咗日式特選和風早餐，價錢合理，有齊3.6牛乳炒蛋🍳煙肉、芝士腸、田園沙律🥗炸忌廉蟹肉餅、鮮果乳酪、多士半份，份量足夠到我當一個brunch食，飽到晏晝都唔使食😛食物方面水準達標，炒蛋好夠滑，特別鍾意佢有鮮果乳酪，夏天配上西瓜好清新🍉朋友要咗燒汁野菌安格斯牛肉定食，真係有啲似lunch set，仲有枝豆、麵豉湯，炒滑蛋，唔講真係以為自己喺日本食緊早餐🤣牛肉真係炒得幾香，加埋啲汁送飯一流😋如果唔夠食仲有得額外加配小食，我哋加咗雞皮餃子，一人一件，都煎得幾脆幾香口。飲品方面如果你鍾意飲齋啡，可以無限添飲，我哋就加左$14揀咗一杯凍焙茶牛奶、一杯凍抹茶牛奶，都唔錯，唔會太甜。🔸日作特選和洋風早

觀塘區一間以日本校園裝潢為主題的餐廳︎📝 特別是課堂上的桌椅，運動場上的跳馬箱，極富校園風📚 餐廳內柔和的燈光，讓人一整天都想在這懶洋洋的渡過💚💜✂︎ 餐飲ᴏʀᴅᴇʀ北海道烘焙咖啡、日式玉露茶，便可免費無限添飲🍵 ～～～～～～～～～～～～～～～～❥$𝟵𝟮 安格斯牛肉濃蕃茄豬骨湯稻庭烏冬🍜同行友人另+$𝟱轉為北海道產小麥粉公仔麵，質感爽口彈牙🥢 安格斯牛肉肉味濃郁🥩🫶🏻蕃茄濃湯極濃郁，酸酸甜甜每呷一口都相當清新開胃🍅🫶🏻✂︎+$𝟭𝟱 鮮果乳酪是新鮮的哈蜜瓜🍈 份量略嫌少，如果多點會更開心😝✂︎+$𝟭𝟰 凍香濃朱古力凍凍涼涼的朱古力飲品，大人小孩都必會喜歡🍫🧊～～～～～～～～～～～～～～～～❥$𝟭𝟮𝟬 日作特選和洋風早餐🍱滿滿一碟的早餐有3.6牛乳炒蛋／烤雞扒／煙肉／芝士腸／田園沙律／炸忌廉蟹肉薯餅／鮮果乳路／多士半份🍳🍞元氣滿滿的早餐之選💪🏻💪🏻 最喜歡當中的芝士脆皮腸，咸香咸香皮脆肉嫩😻✂︎+$𝟭𝟴 紫薯甘栗薯餅（1件）綿密的紫薯夾雜著甘栗顆粒，炸得酥香可口，太喜歡了🌰💕✂︎+$𝟭𝟰 凍焙茶牛奶味道不算濃郁，不過也足夠滿足當下想喝焙茶牛奶的慾望🥛🤎

之前行去觀塘海濱個時已經有留意到依間餐廳，裝修好靚！今日專登約左個朋友係度聚舊吹水😎日作食堂裝修係走校園風格，非常日系，仲有好大個跳馬係度😱夠曬特別，大地色系睇落好和風，好舒服☺️☺️ 環境一流！香濃日作咖喱蘋果蓉阿波尾雞腿肉旋風蛋定食金黃色璇風蛋加上大大份咖哩汁雞塊，賣相已經好靚！😱咖喱係比較日式，偏微辣。雞腿肉份量唔少，有成5大舊，係真係舊舊都勁大塊😱 甘大件但都可以煮到肉質嫩滑，好食！😍 蛋既香滑加埋咖哩既微辣，飯既軟糯，雞肉既嫩滑，滿足👍蒜蓉牛油烤波士頓龍蝦明太子鳥冬定食用料絕對誇張😱！明太子份量勁多，每一條鳥冬都沾到！稻庭烏冬口感煙靭彈牙，超級掛汁，每一啖都係滿滿既明太子味道，好幸福！烏冬上面有半隻龍蝦，用蒜蓉牛油烤過，好香蒜味而肉質新鮮彈牙，但略續有d 少肉😂 蝦鉗就要自己動手拆肉，有提供工具，係名副其實既有得吃有得玩😉👍明太子蔥花玉子燒依個玉子燒不得了！份量好大，蛋漿放左唔少蔥花，煎到嫩滑之保餘又唔會散開，勁👍👍 上面放左大量既明太子沙律醬同埋柴魚片，吃落味道層次非常豐富👍😍 值得一讚👍吉列炸蠔炸到脆卜卜熱辣辣，先係吃到香脆既炸衣，再黎係蠔肉既鮮甜味！佢亦都配有蛋黃醬，配搭住