SuperNormal (淘大商場2期)

Open Now

Now Closed

今日聽同事講九龍灣淘大廣場有間性價比西餐廳，於是約埋朋友一齊去試。九龍灣地鐵站行10分鐘左右就到。嗰度附近比較少咁高質既西餐，所以都好期待。今日2個人唔想慢慢睇餐牌，索性直接叫個2人餐食首先黎左2個粟米忌廉餐湯，啖啖都食到蘑菇粒，好creamy。自家製餐包：好好食，好新鮮，好鬆軟，好食過好附麵包🥖店既麵包。白酒忌廉煮青口：青口份量好多，個忌廉汁煮得剛剛好，青口掛滿忌廉汁，唔會太咸，用黎沾麵包食一流。招牌柚子脆皮德國豬手：依個直情係鎮店菜式，店員講明即叫即做，所以我地都好期待，上到枱發覺隻豬手，外皮炸到好香脆，內裡既肉仲好嫩，好大隻，又唔會太咸，肥瘦適中。芝士蘆筍鮮蝦牛肝菌意大利飯：講開意大利飯，最唔鍾意食到d煮得太爛既飯，依間既質素煮得剛剛好，用料又足又新鮮，好creamy。Ps：依家間餐廳做緊豬手一隻$98優惠價試食，話到明益街坊，每日限量供應。