悅火 (Closed)

最近朋友說尖沙咀有間餐廳開張，啲嘢幾好食，佢推薦得一定掂!不過佢提醒我，如果要食開業限定爐端燒12品或廚師發辦16品都需要預訂，因為每日限量供應，只有20份。於是我即刻打電話訂定食開業限定爐端燒12品。🔸沙律沙律菜新鮮爽脆，醬汁唔係柚子汁，係師傅自己調製過的洋蔥汁、加了和風汁和秘制醬汁，味道甜甜地唔會有辣味。🔸天婦羅車海老～蝦身雪白，味道濃郁；金鯛魚～鯛魚薄薄一片炸至香脆可口，魚味較淡；而兩款天婦羅脆漿唔會太厚，點少少竹炭鹽食，味道更鮮。🔸爐端燒。燒物八品1️⃣日本雞肉串，雞皮燒得脆口，雞肉很嫩滑；2️⃣牛小排，有嚼勁；3️⃣黑豚五花腩，外表比較脆，肉和脂肪比例平均，唔會油膩；4️⃣牛脷，有牛的味道，薄片有嚼勁；5️⃣鱔魚，皮脆帶少少煙韌口感，魚肉鮮而冇骨，醬汁微甜很惹味；6️⃣焦糖蕃茄，外邊的焦糖就似冰糖葫蘆的外表，但味道唔會很甜，而蕃茄脹卜卜爆唒汁；7️⃣迷你蕃薯，口感軟糯微甜；8️⃣秋葵，冇草青味和滑潺潺的液體，反而有鹹香味，質地都脆口；我冇點醬都覺得夠味，喜歡醬汁的可試試柚子辣椒醬、岩鹽和海鹽。🔸茶漬飯明太子茶漬飯，湯鹹甜適中，飯粒口感仍帶煙韌，明大子鹹得來帶辣味。🔸甜品或咖啡我揀左開心果雪糕，微甜有啲果仁。