Video
Read full review
2021-05-19
1103 views
由於住響附近，所以經常幫襯山林茶餐廳。店員非常親切友善，有時會同啲熟客傾返兩句，講下笑咁，好有人情味㗎。餐廳係典型嘅街坊式經營，普通實際茶餐廳嘅格局啦，繁忙時間好多時都滿座咁滯，客人絡繹不絕。晚餐來講，每晚有4款指定晚餐可以選擇， $48有一個碟頭飯/炒粉麵，一碗細嘅中/西湯同埋一杯熱飲(凍飲加幾蚊)，以我一個正常女仔嘅食量都夠飽啦。咁嘅價錢實在非常親民，而且味道都唔錯，熱辣辣，都幾好味㗎。如果指定晚餐唔啱食或者想豐富啲，可以揀其他晚市套餐或者炒幾個小菜，有時見啲一家大細嚟嘅會嗌幾個小菜夾下夾下咁。如果住得近嘅，晚市山林係可以免費送外賣嘅。當其他外賣平台閒閒地都要收$20外賣費嘅時候，免費送外賣真係非常窩心，在下都受惠不少哈哈。在下會繼續支持呢啲有心經營嘅小店嘅😁
店員非常親切友善，有時會同啲熟客傾返兩句，講下笑咁，好有人情味㗎。
餐廳係典型嘅街坊式經營，普通實際茶餐廳嘅格局啦，繁忙時間好多時都滿座咁滯，客人絡繹不絕。
晚餐來講，每晚有4款指定晚餐可以選擇， $48有一個碟頭飯/炒粉麵，一碗細嘅中/西湯同埋一杯熱飲(凍飲加幾蚊)，以我一個正常女仔嘅食量都夠飽啦。咁嘅價錢實在非常親民，而且味道都唔錯，熱辣辣，都幾好味㗎。
如果指定晚餐唔啱食或者想豐富啲，可以揀其他晚市套餐或者炒幾個小菜，有時見啲一家大細嚟嘅會嗌幾個小菜夾下夾下咁。
如果住得近嘅，晚市山林係可以免費送外賣嘅。當其他外賣平台閒閒地都要收$20外賣費嘅時候，免費送外賣真係非常窩心，在下都受惠不少哈哈。
在下會繼續支持呢啲有心經營嘅小店嘅😁
窩蛋菜心牛肉飯
$55
51 views
0 likes
0 comments
鮮茄豬扒飯
$48
74 views
0 likes
0 comments
豆豉鯪魚油麥菜
$68
42 views
0 likes
0 comments
Post
