山林茶餐廳

Open Now

Now Closed

已經唔係第一次幫襯，呢間位於何文田嘅山林餐廳，雖然佢唔會俾到你極大嘅驚喜，起碼會次嚟都唔會失望，至於價錢方面，簡直係良心食市⋯今日叫咗個下午茶2餸湯麵，跟熱飲一杯，承惠$34，今時今日仲可以有幾多間會收呢個價錢⋯我叫左五香肉丁米粉再加紅脹，先睇吓D肉丁，唔係出面大部份茶記，俾個－蚊大餅咁大嘅你，絕冇手軟大大份，所以個湯底亦都非常夠味！紅脹煎到個邊好脆味，配合五香肉丁真係襯到－個點！鐿意配米粉，因為佢掛湯一流，成件事真係冇投訴⋯熱檸檬茶有大大4片，茶底亦都好夠味，食完肥膩嘢飲真係致好不過⋯

雖然係街坊 山林亦開咗好耐 但今日都係第一次試。 食咗個乾炒牛河下午茶餐 42蚊+外賣1蚊 大大份 成個外賣盒塞到滿哂。炒得又好 啲河粉彈牙 上色又均勻 牛肉都唔少。正正正正正簡直五星! 以後會多d幫襯

何文油山林茶餐廳，經過好多次，今日決定入去試吓，叫咗個下午茶餐，2送麵連飲品$34，今時今日真係邊度搵，碗麵嚟到真係有驚喜，$34點會咁大碗⋯⋯叫咗沙嗲牛肉，再加蘿蔔麵，原來仲有跟生菜底，份量真係大到有D誇張，我－個正常男人，竟然可以食唔晒真係嘥料⋯熱檸檬茶，茶底多句口未，真係好唔錯，我－定會返嚟再搵你⋯

由於住響附近，所以經常幫襯山林茶餐廳。店員非常親切友善，有時會同啲熟客傾返兩句，講下笑咁，好有人情味㗎。餐廳係典型嘅街坊式經營，普通實際茶餐廳嘅格局啦，繁忙時間好多時都滿座咁滯，客人絡繹不絕。晚餐來講，每晚有4款指定晚餐可以選擇， $48有一個碟頭飯/炒粉麵，一碗細嘅中/西湯同埋一杯熱飲(凍飲加幾蚊)，以我一個正常女仔嘅食量都夠飽啦。咁嘅價錢實在非常親民，而且味道都唔錯，熱辣辣，都幾好味㗎。如果指定晚餐唔啱食或者想豐富啲，可以揀其他晚市套餐或者炒幾個小菜，有時見啲一家大細嚟嘅會嗌幾個小菜夾下夾下咁。如果住得近嘅，晚市山林係可以免費送外賣嘅。當其他外賣平台閒閒地都要收$20外賣費嘅時候，免費送外賣真係非常窩心，在下都受惠不少哈哈。在下會繼續支持呢啲有心經營嘅小店嘅😁

今天外出工作。經過何文田，那𥚃的附近食店不多。在這一區找一間食物份量及價錢正比的食店不容易。見有間茶記叫「山林茶餐廳」，於是入去試一試。入餐廳內，侍應叫我坐在指定的座位上。由於該座位上有一攤水積，我只好另選座位然後落單。我點了熱狗配雞中翼及熱奶茶。熱狗有香腸，沙律醬及麵包。賣相一般，份量略嫌不夠。香腸的香腸皮有很多縐紋相信是經過油泡炸過，並將原條切開的。食起來味道有點咸，口感卻相當不錯。沙律醬凱撒沙律有沙律醬及青酸瓜粒，味道認真夠酸。麵包是原個切開，纖維質感比軟粗嚡。嚼起來感覺好乾涸，囗感一般，味道欠奉。雞中翼有二隻，是新鮮煎炸的。咬開雞肉時會有一絲絲的白煙飄出來。外面脆卜卜，內𥚃軟綿綿。味道有點像南乳味，濃郁之餘，又帶點惹味。熱奶茶，暖暖地。紅茶及淡奶比例不適中，茶味濃而奶味淡，苦澀味重了少少。在享受這個下午茶中，他們的服務態度友善的。總括而言，熱狗囗感及奶茶味道有點遜色。加上，份量又不多。以這個價錢享受以上的食物有點不值。

這晚在這條街覓食，來到這個位置，曾在這間與隔離另一間食店之間考慮了一會。這兩間我和朋友也未試過，甚至曾想不如行落勝利道再覓食?最後被此店門前的職員熱情的招倈打動，而選擇了這間。菜單上的菜式沒甚麼特別，也就是一般茶餐廳那些，但店員仍認真地介紹，介紹完後也沒催促我們下單，實在態度專業。最後我選了以上的組合：奶茶+公仔麵+煎鷄扒+三文治+芝士腸值得一讚是雞扖有一定大塊和厚，沒偷工減料，肉質軟硬適中，烹調也沒馬虎，口感不錯。其他食物也算合格。期待這店繼續精益求精。

今日中午我們去咗何文田嘅「山林茶餐廳」食午餐！我們叫咗沙嗲牛肉公仔麵、煎鷄扒煎蛋通粉、星洲炒米同鷄中翼紅腸米粉！沙嗲牛肉公仔麵嘅牛肉好嫩滑，沙嗲醬嘅味道好惹味，唔會太鹹，公仔麵亦好爽口彈牙！煎鷄扒煎蛋通粉嘅鷄扒煎得好香好嫩滑！星洲炒米炒得鑊氣十足，配料亦相當豐富！鷄中翼紅腸米粉嘅鷄中翼炸得好香脆，米粉都錢爽口！最值得一讚嘅係店員嘅服務態度好好，好有禮貌！