Video
Read full review
2023-09-06
1488 views
呢間韓式餐廳走優雅風，食物味道好，飲品更加係高質，真係嚟多幾次都唔會厭！烤牛肉紫菜包飯- 依然係足料又大件，餡料豐富牛肉入口香甜，加埋爽脆紅蘿蔔同醃菜食好好味！今次嚟就要試上次無食嘅炸雞，貪心嘅我當然要半半炸雞～原味同牌蜂蜜味道不相伯仲，兩款都咁好味，外皮脆口雞肉juicy嫩滑，下次想試芝士同甜辣！念念不忘伯爵茶布甸牛角包窩夫，一群甜品入邊有齊伯爵茶布丁，牛角包窩夫，焦糖脆片，瘚餅，牛奶雪芭，真係超豐富，布丁入口味道香濃又軟滑，牛角包酥脆得來又帶點煙靱，口感一流！最最最推介就係呢度嘅飲品，上次試過咖啡覺得好出色，今次試埋盛放花開燕麥奶同凍mocha，又係另一種驚喜！燕麥奶不但賣相精緻，乾花香味亦非常清幽，望住餐廳韓式花卉擺設，再呷一口燕麥奶，感覺寧靜又舒暢！凍mocha面層鋪滿可可粉，入口係濃厚嘅朱古力，嚟elements 想同朋友坐低飲杯嘢，呢度真係最適合不過!原本想食繡球花獨角獸刨冰打卡，點知賣晒⋯轉點夏至白桃年糕刨冰🍧，都唔錯喎！除咗刨冰頂嘅桃肉，刨冰中間都暗藏唔少桃肉，好似尋寶咁！刨冰食落鬆軟唔係食實實嗰種，桃汁清甜，夏天食勁解暑！
烤牛肉紫菜包飯- 依然係足料又大件，餡料豐富牛肉入口香甜，加埋爽脆紅蘿蔔同醃菜食好好味！
今次嚟就要試上次無食嘅炸雞，貪心嘅我當然要半半炸雞～原味同牌蜂蜜味道不相伯仲，兩款都咁好味，外皮脆口雞肉juicy嫩滑，下次想試芝士同甜辣！
念念不忘伯爵茶布甸牛角包窩夫，一群甜品入邊有齊伯爵茶布丁，牛角包窩夫，焦糖脆片，瘚餅，牛奶雪芭，真係超豐富，布丁入口味道香濃又軟滑，牛角包酥脆得來又帶點煙靱，口感一流！
最最最推介就係呢度嘅飲品，上次試過咖啡覺得好出色，今次試埋盛放花開燕麥奶同凍mocha，又係另一種驚喜！燕麥奶不但賣相精緻，乾花香味亦非常清幽，望住餐廳韓式花卉擺設，再呷一口燕麥奶，感覺寧靜又舒暢！凍mocha面層鋪滿可可粉，入口係濃厚嘅朱古力，嚟elements 想同朋友坐低飲杯嘢，呢度真係最適合不過!
原本想食繡球花獨角獸刨冰打卡，點知賣晒⋯轉點夏至白桃年糕刨冰🍧，都唔錯喎！除咗刨冰頂嘅桃肉，刨冰中間都暗藏唔少桃肉，好似尋寶咁！刨冰食落鬆軟唔係食實實嗰種，桃汁清甜，夏天食勁解暑！
Post
