Coffee Hwajeon 커피화전

Open Now

Now Closed

💐少女風花花韓系餐廳「Coffee Hwajeon」位於ELEMENTS圓方，木系主調配繡球花點綴，更有特色榻榻米卡座，環境樸實療癒🌳🍘明太子紫菜包飯 (Hk$95):材料十足飽滿，有牛蒡、青瓜、紅蘿蔔、雞蛋、漬黃瓜、芝麻等，沾上明太子醬更滋味🧇海鹽焦糖芝士蛋糕牛角包窩夫(Hk$98): 金黄微暖的croffle外脆内軟，牛油味香濃，灑滿Lotus焦糖餅碎口感一流，芝士蛋糕口感幼滑，加埋雪糕冰火交融🍧開心果刨冰 (Hk$108): 巨型刨冰山份量十足，足夠幾個人share! 刨冰如雪糕般幼滑軟綿綿，濃厚開心果奶醬及開心果仁粒，口感如糖不甩☕肉桂朱古力咖啡 (Hk$68): 原條天然肉桂放入香濃咖啡，平衡可可的甘苦香，温暖人心🍹韓國柑橘梳打 (Hk$52): 果味甘香、甜度溫和，夠refreshing(All subject to 10% service charge)📍Coffee Hwajeon (커피화전)尖沙咀柯士甸道西1號ELEMENTS圓方水區1樓1028B號舖 (港鐵九龍站 D1 出口, 步行約1分鐘)

這間裝修得温暖又舒服的咖啡廳就在九龍站出口，位置方便，由於今晚客滿，等了一會才入坐，是卡位，要脫掉鞋子席地而坐。【奶油肉醬年糕】醬汁香濃順滑，奶香與肉香交織，韓國年糕保留了Q彈口感，與濃郁的醬汁亦很夾。整體味道濃郁又不失韓式料理的趣味。【香濃伯爵茶刨冰】伯爵茶的細膩茶香與刨冰的冰爽完美結合。鋪面的奶醬茶香濃郁自然，帶有淡淡的柑橘香，與細緻的冰霜融為一體，每一口都有茶味。中間亦有濃郁的咖啡啫喱和奶凍，增添了豐富的口感層次。【開心果牛角包窩夫】這款甜點將法式牛角包與比利時窩夫的特點結合，創造出一個全新的美味體驗。開心果醬是靈魂所在，濃郁的堅果香氣與牛角包的酥香完美搭配，甜度適中，入口後有自然的開心果香氣。牛角包窩夫口感外酥內軟，每一口都充滿了立體的口感。配上水果、雪糕和芝士蛋糕點綴，更增添了甜品的精緻感。份量絕對強4人分享！【挪威芝士咖啡】芝士為咖啡增添了一種絲滑的鹹香，與咖啡的苦甜形成奇妙的對比，入口後層次感十足，讓人一試難忘。咖啡香氣濃郁，帶有微微的果酸與醇厚的口感。  【肉桂蘋果忌廉鮮奶】肉桂的微辛香氣與蘋果粒的清甜融合，配搭暖暖的忌廉鮮奶，帶來了一種秋冬的溫暖感。

溫度突然驟降，凍冰冰除咗想打邊爐之外😁又心思思想食吓啲冰冰涼嘅野😋一講食冰好自然就諗到呢間環境又靚又舒服，嘢食又好食嘅韓式cafe😙最開心係佢會定期更新menu，所以每次嚟都好有新鮮感😌🧇挪威焦糖芝士牛角包窩夫 ($98)新menu😍海量嘅挪威芝士灑滿喺新鮮熱辣嘅croffle上面🧇咸香滿分嘅芝士配搭脆脆嘅croffle，加埋忌廉同雪糕🍦勁邪惡勁好食🤤🐙辣泡菜八爪魚紫菜包飯 ($92)八爪魚竟然唔係卷喺飯卷入面，而係放飯卷上面真係好少見🤭大大塊八爪魚配搭餡料，口感豐富👍🏻今次飯卷加入泡菜同韓式辣醬，辣辣地更惹味😋🍓士多啤梨戀人刨冰 ($98)每次上刨冰都好興奮😆雖然望落去全場得我哋食冰🤭但凍冰冰嘅天氣食凍野又真係好爽😆仲要又靚又好食😋今次係牛奶冰配士多啤梨醬，冰入面仲藏有麻薯同大大粒嘅士多啤梨🍓正👍🏻🍦義式咖啡雪糕 ($72)🍎焦糖蘋果奶 ($48)

呢日嚟咗呢個商場🏬呢間韓國🇰🇷餐廳食午餐🤣$92「烤牛肉紫菜包飯」：材料有烤牛肉、青瓜、紅蘿蔔、雞蛋、漬黃瓜等，再加咗啲芝麻喺上邊，幾好食😋$98「士多啤梨芝士蛋糕牛角包窩夫」：首先賣相幾靚因為加咗紅卜卜嘅士多啤梨🍓同埋白雪雪嘅忌廉🤩；士多啤梨🍓夠新鮮，整體味道甜甜哋，配埋 Croffle 同芝士蛋糕 🍰 一齊食，幾夾🤣；講開 Croffle，Croffle 係Waffle 同埋Croissant 嘅混合體，發源於Ireland 🇮🇪，但其實係喺韓國🇰🇷開始流行，慢慢就全世界越嚟越多地方包括香港都有得食🤩$98「士多啤梨🍓戀人刨冰」：刨冰質感幼細，相當細滑，估計係用咗一部靚嘅刨冰機🤣；加埋士多啤梨醬，凍冰冰甜甜哋，令人食得非常開心🤣$65「咖啡☕️三部曲（濃縮咖啡、意式濃縮、鮮奶咖啡 Espresso, Crema, Latte ）」：3種都夠香濃，飲咖啡有奶冇奶我都鍾意，不同口感，Espresso 有 chocolate, charcoal 同埋 citrus acid 味😋，Crema 上邊有一層好厚身好滑嘅cream 😋，Latte 有奶香 😋呢度仲有Tatami可以坐 🤣

再次嚟咗圓方呢間韓式cafe，每次嚟都忍唔住要叫佢哋嘅窩夫同刨冰。今次我哋仲坐到側邊嘅榻榻米卡位，闊落舒適。粒粒三文魚紫菜包飯 $105主食叫咗份紫菜包飯share，飯卷入面都幾足料，除咗有三文魚肉，仲有唔同嘅蔬菜，面頭再加咗三文魚子。伯爵茶布甸牛角包窩夫 $145重點當然係佢哋嘅甜品，其中窩夫keep同一貫嘅水準，酥脆鬆軟，伯爵茶忌廉夠香夠滑又唔會太甜。跟窩夫仲有雪糕同伯爵茶布甸，布甸亦都係整得非常出色，口感滑溜，蛋香同茶香十足。釜山粟米刨冰 $110覺得好特別就叫咗呢個粟米刨冰，冰底口感綿密，淋上香甜粟米忌廉再配埋燒粟米，啖啖都係香濃粟米味。而最估唔到嘅係刨冰入面竟然收埋咗好多粟米片，增添一層香脆口感，鍾意食粟米嘅朋友一定唔可以錯過。挪威芝士咖啡 $46鍾意飲咖啡嘅朋友就叫咗呢杯挪威芝士咖啡，面頭鋪滿芝士碎，賣相已經夠晒特別。鹹香嘅芝士同咖啡出奇地夾，又唔會蓋過咖啡嘅香味。盛放花開燕麥奶 $52我就想好訓d叫咗杯燕麥奶，面頭鋪咗d花瓣做點綴，飲落仲有淡淡嘅花香。。。Coffee Hwajeon 커피화전 (尖沙咀)尖沙咀柯士甸道西1號ELEMENTS圓方水區1樓1028B號舖。。

因為 #小星星 嘅關係，而家搵地方食嘢，都要搵有 #育嬰室 嘅商場！所以今次去咗 #九龍站 #圓方 嗰度有好大嘅育嬰室🤣👍🏻點知發現到一間好靚既韓式咖啡店 Coffee Hwajeon 커피화전 ！✨木質嘅裝修簡約又溫暖 應該就快到新年，推出咗柑桔🍊系列！好應節😍好睇好食又適合打卡📸✨玫瑰醬海鮮年糕 $125✨有幾款唔同嘅海鮮，大蝦、青口、元貝…味道唔錯❤️年糕係圓碌碌一條條既，口感好煙韌Q彈 😍✨在配搭濃郁的玫瑰醬+香濃嘅奶油味，完美咁包裹住每一條年糕👍🏻🍊柑玉滿堂牛角包窩夫 $138✨賣相好吸引，同埋我鍾意佢有咁多水果😍👍🏻牛角包窩夫係鬆脆既，中間夾新鮮奶油 ，係好幼滑嗰隻，旁邊放咗牛奶雪糕，食嘅時候再撈埋一齊！冰冰涼涼！好睇又好食🤤✨開心果刨冰 🍧 $108✨開心果醬超級濃郁🤤味道好似食緊金莎朱古力咁✨每一啖再配上好細膩既刨冰，口感勁豐富！因為好多果仁有咬口，中間仲隱藏咗cheese cake，層次分明！好好食😋仲好吸睛✨棉花糖泡泡 $62 士多啤梨牛奶，唔會太甜！但係如果配埋棉花糖，味道啱啱好～呢度每一樣嘢嘅造型都好靚🙈✨肉桂意式泡沫咖啡 $48✨好香嘅玉桂味✨鍾意肉桂嘅朋友，

餐廳位於圓方，位置方便；以木系為主調設計，搭配繡球花，營造出浪漫的氛圍；店內空間不算大，但環境優雅舒適，特別是榻榻米卡座區域，感覺既放鬆又有韓式情調，推薦給喜愛韓式甜品的朋友明太子帶子炒年糕 $108年糕炒得Q彈而不失煙韌，搭配鮮嫩的帶子與濃郁的明太子醬，鹹香味十足年糕吸附了明太子醬汁，既有創意又不失韓料的經典風味開心果牛角包窩夫 $108餐點擺盤精緻，點綴了雪糕和水果牛角包窩夫外層酥脆，內部鬆軟開心果醬味道濃郁，甜度適中，入口充滿開心果香氣濟州抹茶紅豆刨冰 $108刨冰份量充足，適合2-3人分享，冰質細緻如雪，口感柔滑，冰中還藏有麻糬，增加了口感，加上濃郁的濟州抹茶與甜美的紅豆，層次感豐富盛放花開燕麥奶（熱） $52燕麥奶表面點綴著花瓣，入口順滑，味道清甜，有淡淡的花香黑芝麻鮮奶 $46黑芝麻香氣濃郁，口感絲滑且富有層次感，甜度適中總體評分環境：8/10食物：7/10服務：7.5/10抵食：7/10Coffee Hwajeon커피화전📍尖沙咀柯士甸道西1號ELEMENTS圓方水區1樓1028B號舖

今晚約咗舊同事去九龍站聚舊，知道她好鐘意食甜品同韓國嘢。就去左最近超人氣嘅韓國甜品餐廳。餐廳以木系設計，非常日韓風，好舒適感覺。餐廳內有6個包箱，非常有私隱度，跟朋友談心非常一流，但坐得耐大家都有點腳痹。棉花糖泡泡打卡必點，飲品上面灑滿細花同花瓣，還有粉紅色的士多啤梨醬伴在杯邊，超有少女情懷。仲有一塊花花曲奇餅掛在杯邊，比你用來點士多啤梨牛奶一邊食一邊飲。 炸物辣炒年糕超多料嘅辣炒年糕，有炸紫菜、炸長型水餃、黃芽白、紅蘿蔔絲及一隻熟蛋。食落酸酸甜甜非常開胃又唔會過啦佢用嘅年糕比較幼身食落唔會好滯口。年糕口感好Q彈，晶凝通透好有米味。肉桂朱古力咖啡超濃肉桂味嘅朱古力咖啡，估唔到肉桂都可以同朱古力咖啡match 埋一齊。 喜歡玉桂味嘅朋友一定要叫來試下。伯爵茶布甸牛角包窩夫牛角包窩夫採用靚麵粉，所以看落去呈透明色，食落口感非常鬆化又夠熱，不會硬。旁邊有蕨餅、朱古力塊。碟上有一嚿cream，俾客自行決定增加cream的量。伯爵茶布甸超有伯爵茶味，隨碟中附送伯爵茶醬可以補上窩夫食。濟州抹茶紅豆刨冰超巨型沙冰山，上邊淋咗濟州抹茶醬。刨冰上面有紅豆同黃豆餅。食落去刨冰好有綠茶味。

最近去咗間韓式咖啡店，佢同普通咖啡店唔同嘅地方係。佢除咗有咖啡、甜品外。仲有韓式食品。menu唔會咁單調👍明太子帶子炒韓國年糕：明太子係我最愛。平時配意粉就食得多。原來同年糕嘅口感非常之夾，年糕煮得煙煙韌韌，仲有幾隻大帶子，好味。LOTUS 焦糖奶昔：奶昔飲落有焦糖嘅香甜味，面仲鋪滿lotus 餅碎，一路飲一路食。脆卜卜好味。柑龍賀歲冰：呢杯飲品非常有創意，橙色嘅外觀好有節日氣氛，味道亦都非常清爽。濟州甜柑味夠特出。飲落有淡淡菓香。柑玉滿堂牛角包窩夫：鬆脆嘅牛角包窩夫配上柑橘味嘅醬汁，口感同味道都非常豐富，每一口都係唔同嘅層次感。最鐘意佢有滿滿嘅cream,加埋雪糕食 perfect.開心果刨冰: 呢個開心果控一定要試，超幼綿嘅刨冰，配上超多粒粒開心果醬，刨冰內仲有粒粒開心果芝士，味道特別又好味，食到好開心。呢間coffee shop 嘅菜式無論係味道定係創意都非常出色，絕對係值得一試嘅好地方。

朋友介紹呢間韓國cafe嘅韓式甜品好好味，好耐冇食過韓國甜品，所以就去試吓。粒粒三文魚紫菜包飯上面係粒粒脹卜卜嘅三文魚子同埋熟嘅三文魚肉，而紫菜包飯涵料都非常多，有大量蔬菜同魚糕，呢個紫菜包飯非常豐富，好好食。伯爵茶牛角包窩夫份量都幾大份，有2個牛角窩夫，食落外脆入面煙韌，加埋d cream同埋伯爵茶一齊食，好正，另外仲有伯爵茶沙冰同埋伯爵茶布甸，都好出色，呢個甜品好正。柑銀滿屋刨冰個size都好大，刨冰非常高，外面有好多柑，d柑好甜，好新鮮，d刨冰食落有奶味，食到裏面仲有柑，柚子皮做涵，每啖都有驚喜，好正。Lotus焦糖奶昔上面鋪滿焦糖脆脆，奶昔好creamy好滑,飲落好香焦糖香味，好味。柑龍賀歲沙冰飲落好清爽，好重柑味，酸酸甜甜好開胃

今日同朋友去咗食圓方一間韓式餐廳，晏晝我哋嗌咗兩個一人套餐，每個煮食嘅份量都非常之多足夠兩個人食我哋最後都食唔晒🤣韓式牛肉奶油闊條麵混合咗一啲中式嘅味道同埋配料，味道非常之夾，建議可以嘗試。紅色部隊鍋拉麵嘅份量都非常之足夠，兩個人份量，味道又都足夠同埋都夠辣。

今日去咗ELEMENTS一間主打甜品嘅韓式Cafe，裝潢簡約木系風格，四周都有鮮花擺設，座位又寬敞，仲有特別嘅卡位設計。食物質素都好有水準，擺盤尤為精緻，每一樣都似藝術品咁靚。喺呢個環境享用甜品，心情都特別靚🥰我諗冇女仔可以抗拒到開心果包冰：呢個甜品真係一絕！包冰外脆內軟，開心果味道濃郁，配合冰淇淋嘅清爽，食落去好似冬天嘅陽光。柑玉滿堂牛角包窩夫：呢個組合好特別，牛角包鬆軟，窩夫外脆內嫩，柑橘嘅香氣令整個甜品充滿活力。明太子帶子炒年糕：呢道菜真係好味！明太子嘅鹹香配上鮮嫩嘅帶子，炒年糕吸滿咗所有嘅味道，口感滑順完全停唔落手。柑光閃閃茶：呢杯茶酸酸甜甜，柑味十足，真係好解渴，特別適合搭配重口味嘅菜式，飲落去令人精神爽利。盛放花開燕麥奶（熱）：呢個熱飲好有特色，燕麥奶香滑，口感溫暖，飲落去好舒服，特別適合寒冷嘅天氣。

最愛食甜品嘅我,今日嚟到圓方韓式cafe🌸先嚟個烤牛肉🐮紫菜包飯$92, 紫菜包飯🥢加上烤牛肉,美味可口伯爵茶布甸牛角包窩夫$145,伯爵茶🍮布甸配軟滑雪糕🧁, 加埋鬆脆香甜窩夫🧇,味道好有層次感好滿足開心果刨冰$108, 🍧濃郁開心果醬加粒粒杏仁配軟綿綿沙冰,而棉冰中層亦有開心果醬非常正👍🏻盛放花開燕麥奶$52,燕麥奶配🌸花瓣,飄蕩著令人放鬆嘅心情😌芝麻奶咖啡$46☕, 芝麻奶令咖啡口感順滑濃郁🥰Coffee Hwajeon 커피화전柯士甸道西1號ELEMENTS圓方水區1樓1028B號舖

而家香港既韓國餐廳越開越多 但系韓式既Cafe就吾算多😌 呢間位於圓方既「 Coffee Hwajeon 커피화전」🇰🇷☕ 以木系既裝修為主 店內仲有榻榻米既座位選擇 勁有韓國Feel啊😆伯爵茶布甸牛角包窩夫 $145一上枱真系俾佢既份量嚇襯😂 超大份❕兩個牛角包被壓成窩夫 外鬆脆內軟🥐 中間仲有一層厚厚既cream 勁邪惡😈 而 伯爵茶布甸質地軟滑 伯爵茶味超突出 一啖入口已經感受到伯爵茶香氣🍮 另外仲跟上左蕨餅同雪糕😌辣海鮮湯麵 $125用上各種蔬菜同鮮蝦熬煮既濃郁湯底 辣中帶有蝦獨特風味🍜 有蝦 大蜆 青口等既海鮮 配料豐富 香味濃郁😍Lotus 焦糖奶昔 $88帶有獨特既焦糖味道 非常creamy 口感濃郁順滑🥛肉桂朱古力咖啡 $58咖啡本身搭配朱古力已經增加左甜味 配埋肉桂增加左辛香味 變得更香醇濃厚☕開心果刨冰 $108成個人頭甘人既刨冰🍧 真系哇左一聲😱 刨冰上淋上超多開心果醬同開心果粒 食到刨冰中間都仲有開心果 超級滿足🤩

今次我們來到位於圓方的Coffee Hwajeon應該不會令人失望。以韓系文青風格的咖啡店，以韓式傳統裝修配合現代感的氛圍，不但感覺簡約，而且感覺清新脫俗，令人有舒適悠閒之感。有好多打卡位，食物的賣相亦相當吸引。今次我們試了：🌟開心果牛角包窩夫我們一家也非常喜歡開心果味的甜品，所以一見到餐牌就二話不說地點選。無論顏色配搭和味道都非常滿意，又暖又脆的窩夫配上冰凍的雪糕，口感很有層次，再加上果仁的咬口，真的十分值得推介。🌟明太子帶子炒年糕香濃細滑的明太子配上厚實的鮮甜的帶子，與煙韌軟綿的長條形年糕完美融合，顏色鮮艷漂亮，口感一流。🌟義式咖啡雪糕AffogatoAffogato 義大利原文意為「淹沒」，香醇熱騰的咖啡「淹沒」雪糕的完美融合，既有咖啡的濃郁和苦澀，又有雪糕的柔滑和甜蜜，溫和的衝擊與苦甜平衡，口感滑順且香氣濃郁。🌟棉花糖泡泡賣相可愛的棉花糖泡泡，由香濃順滑的牛奶加上軟綿綿的棉花糖，絕對是小朋友的大愛之選。🌟士多啤梨戀人刨冰來自韓國直運新鮮的士多啤梨手工製作果醬，配上冰爽綿綿的刨冰，甜甜蜜蜜。