瀛窩居

Open Now

Now Closed

天氣有啲涼，好想食熱野，行到呢間店面前，見到佢嘅餐牌有鍋物，而且價錢適中，就入咗去試吓。店舖入邊嘅環境都舒適，而且有一啲日式嘅擺設同畫，幾靚。欣賞呢間店上食物嘅速度，唔使等好耐就有得食😋我叫左泡菜豚肉鍋定食，有個迷你爐。豚肉味道坦白講因為冇醃過所以冇乜味，要靠湯底同泡菜，但加起來一齊食就好味好多！湯底幾好飲(我中意飲湯底)🤣！另外仲有一隻蛋，同一碗飯。碗飯都真係用珍珠米嘅，而且俾得好大碗👍🏻價值$68，我覺得唔錯！另外追加咗個明太子芝士玉子燒，捲得幾平均，好味，而且比好多件，食唔哂哈哈。追加價值$42。由於遲咗去食，差不多到餐廳嘅落場時間，雖然我食得慢但係店員都冇趕我走，覺得態度值得加分👏🏼下次有機會想再試吓其他食物。