一鍋堂 (XX Arcade) (Closed)

近排成日好想打邊爐，咁最好緊係任飲任食架啦😂。同朋友傾開依類型嘅餐廳真係可以喺質數上有好大差距🤔，不過因為太想打邊爐嘅關係最後都係去咗食🤣。今次依間真係揀得好，我同朋友都估唔到，佢每碟嘅份量都唔少，朋友都有講話好在揀咗依間👍。依度有好多個湯底選擇，最後我同朋友都鐘意食麻辣，所以揀咗佢嘅麻辣湯😋。個麻辣湯除咗夠辣之外，麻都做得到👍，另外湯底本身已經放咗同麻辣湯極之夾嘅鴨血👍👍👍，令麻辣湯升提到另一層次。牛嘅選擇真多，少見嘅多😋。由其佢嘅黑毛和牛👍，任食真的不得了，除咗牛味濃之外，咬口一流😋。當然除咗牛肉之外，其他牛嘅位置都唔少得。除咗主角之外，其他配食選擇都非常之多，長蟹柳，多種丸類，菜，魚皮，響鈴😋。選擇真係好多，另外仲有一個重點就係食物上枱時間短。仲有要留意嘅係依間鋪係會有自家涼茶選擇，仲要係唔止一兩款，😎打邊爐嘅絕配飲品之選👍，食多少少都唔怕熱氣👍。最後，食哂所有正餐總會想食啲甜品結尾😋，依度食到飽飽之後就可以開啟埋個雪糕胃😂，再食埋個雪糕🍦就大滿足🥰。