Video
Read full review
2021-06-12
120 views
呢一間係去之前，無啦啦又抽起條根想book其他嘅鮨店，睇食評同埋睇關注組又睇挨豬，每次想揀餐廳去，都可能浪費個幾鐘，跟住望住時間又三點幾打唔到電話又謝左。🤣係去呢間之前想book埋元朗既壽司源，但又驚，因為元朗嘅一間都冇試過，舍利鮨會係第一試，都係忍手試埋呢間先決定去唔去元朗其他嘅（因食過幾間尖咀既......諗起中環係中環🤭，元朗會唔會......）六月仲有兩間會試，係港島既鮨佐瀨同鮨燐。係wasp book 位，見佢有話有special lunch omakase ，book呢個俾另一半，佢少機會自由食野食到幾點。同埋佢叫嘢嘅習慣，都係叫個餐牌入邊最貴嗰個餐，左睇右睇決定都係最貴嗰個😑。我係叫咗佢$500蚊15件嘅壽司set，因為同另一半去，我食唔晒佢會幫我食，先夠膽叫15件。我知自己12/13件差唔多飽。食第一件，呢度嘅壽司唔算大件，魚料同醋飯嘅比例都好好，唔會趙晒啲飯舊魚仲未食晒魷魚切成粒狀，易趙鮮甜、甜蝦配花生醬都幾得意，呢啲算係有心思嘅位，因為食落係少少似食緊蝦膏咁。赤身太乾身，唔係好掂（後尾睇返不同渠道既食評都有講呢樣，以為得我自己覺得）輕炙既金目鯛好正，佢真係輕輕炙左魚
呢一間係去之前，無啦啦又抽起條根想book其他嘅鮨店，睇食評同埋睇關注組又睇挨豬，每次想揀餐廳去，都可能浪費個幾鐘，跟住望住時間又三點幾打唔到電話又謝左。🤣
係去呢間之前想book埋元朗既壽司源，但又驚，因為元朗嘅一間都冇試過，舍利鮨會係第一試，都係忍手試埋呢間先決定去唔去元朗其他嘅
（因食過幾間尖咀既......諗起中環係中環🤭，元朗會唔會......）
六月仲有兩間會試，係港島既鮨佐瀨同鮨燐。
係wasp book 位，見佢有話有special lunch omakase ，book呢個俾另一半，佢少機會自由食野食到幾點。同埋佢叫嘢嘅習慣，都係叫個餐牌入邊最貴嗰個餐，左睇右睇決定都係最貴嗰個😑。
我係叫咗佢$500蚊15件嘅壽司set，因為同另一半去，我食唔晒佢會幫我食，先夠膽叫15件。我知自己12/13件差唔多飽。
食第一件，呢度嘅壽司唔算大件，魚料同醋飯嘅比例都好好，唔會趙晒啲飯舊魚仲未食晒
魷魚切成粒狀，易趙鮮甜、
甜蝦配花生醬都幾得意，呢啲算係有心思嘅位，因為食落係少少似食緊蝦膏咁。
赤身太乾身，唔係好掂
（後尾睇返不同渠道既食評都有講呢樣，以為得我自己覺得）
輕炙既金目鯛好正，佢真係輕輕炙左魚皮，控制得幾好，冇令到魚肉都熟埋
（食完有同另一半係度細聲笑，因諗起港式既會係咁炙炙炙，擺埋支火槍喺枱面嗰種：你知唔知鮨店煮食用最多既燃料係咩？係火槍既gas😂。
我知適口者珍，講黎笑下🙏🏼，同炙都唔係咁差，我都係香港人😂😌😋
蛋漬牡丹蝦，一般。呢種蝦好易出事，好易有放題味。 有。
中拖好返少少，但都乾
海膽只係正路
煙燻嘅池魚最有印象，一入口好香，件魚又夠鮮甜
食到海膽係第十一件，我已經喺度數&諗：仲有四件係海膽之後會係啲咩。因為出到海膽通常係「大結局」咁滯😂😂😂
香港正路都係咁既「順序」
18件🥲
我大拖已唔想食，但係見佢切到咁靚同咁粉紅色先趙埋佢😂 如果係蛇腹個種個人唔鍾意一定唔食。
師傅有問我食唔食小肌（因呢間我有講唔食鯖同鰹），我話要，因為我都冇諗住食😂 俾左另一半食。
赤鯥個樣又靚同埋係貴嘅魚，照食埋。飽到好辛苦
再上喜之次，雖然係貴野但係我真係食唔落，最緊要係佢開頭做刺身我有食到一片。俾左另一半食。
仲要上咗我最鍾意嘅三文魚子🥲，食晒啲魚子，又食咗十幾粒米試吓海膽撈嘅飯
最後仲有三件好實撻撻好足料既卷😵
食咗一件試味
正路蒸蛋，冇食到片冬菇同埋雞肉，留肚
我15件壽司同佢嘅套餐都差唔多大家都有。佢嘅special餐，係多咗以下嘅：
（仲有一件白蝦；佢無我既小肌）
佢嗰份嘅刺身，正常白身
呢個我冇試到，我以為我嘅壽司都會出現，點知我嘅壽司係赤貝😫
彈牙軟滑，肝醬都正正常常
喜之次，有試，正路
正路，個汁幾好
食左一小角，件魚燒到好香好好味，諗起試咗冇幾耐鮨齋藤既燒太刀魚。早知食一半。
介紹係叉燒飯，佢吞拿魚撈啲似的嘅汁，試咗好細啖，真係有少少似。
佢第二件海膽，第一件同我一樣同一品種同埋一樣係包紫菜。
呢件既品種食味一定仲好，我想搶黎食，但諗起食嘢時間比較自由嘅係我，算😂
我飽到好辛苦，湯飲咗幾啖就算，但硬係覺得自己飲到咖啡，但係都係飲一兩啖真係飲唔落
同埋我係次次食omakase 都會肚痾，唔係搞肚痛嗰種，係你嘅腸道接受唔到突然咁重油分，要痾返兩三次先正常返。每次食個半鐘左右既話，我仲可以有時忍到返屯門。（每次食完一定搭地鐵🥲）但係今次喺上湯嘅時候就忍唔住拎鎖匙去廁所，食到2:20分先走到。
我冇mark龍師傅，但入到去，係佢serve我地，都開心既。（當日應該得另一半叫special 套餐，所以由佢黎😂😂😂）
但後來12:45黎一對客，一點幾又黎另一對，都係佢做。搞到後來每一件之間越等越耐，等到好悶。
想走，actually 🥲
（但佢功夫真係好，壽司飯都好；溫度又用心控制，見佢中間不斷拎飯出黎；魚料仲係唔同日數熟成。同客又夠認真吹水，我地只係第一次去，佢好認真serve 客，盡量認真講多幾句。對比起唔知點對生客吹兩句既師傅佢算做到好好😂）
睇返負皮係好多俾其他師傅，但我係好是但既人，唔會mark人同想撞下會點😅
同埋佢間野嘅裝修同埋細緻位已經非常好，但係有少少嘢你會扣分。呢度其中一個醬汁樽，係用你喺街邊啲豉油嗰軟樽，鮮綠色好搶眼🤪。同埋其中一樽調味料又出晒包裝。可惜嘅係佢好多嘢都好夠「和」味，但呢啲細節位露出馬腳
同埋話無wine list，但見佢清酒牆嗰度，掛住唎酒師嘅牌。另一半唔識酒，只係想睇下個名，同有鋪頭既wine list會形容埋產地同描述下個味，佢睇中就飲個種。是但要左佢house一樽仔既，埋單睇成兩舊水😵 我知道酒水係貴既......
同埋侍應人手好足，有三位。但我係飲好少茶，間唔中係飲一兩啖，佢加茶，加到中後段，12點準時到，食到兩點幾....其實有心既話應該唔洗人出聲間唔中成杯換左佢
咁既人手，係後面大部分時間都得閒，應該成餐飯換三次都好輕鬆。（當然可以出聲，人地一定會換。但我個人唔係點飲，同連師傅都唔會早mark定個種；諗起：呢方面，人手足既話，提下可做足啲）當然成杯茶換既係算係中上同貴既omakase會做到呢樣野，但意見係人手足既話可以做下😂
（係飲湯時經理有成杯換過😂😂😂）
食埋呢間既個人排名：（Lunch only)
志魂
鮨慎（如果有人第一次食omakase ，我會強推呢間，綜合價錢黎講，佢係第一。味道雖然唔夠食過既志魂，但第一間試，呢間絕對最好！起碼師傅態度會好好多（睇過好多人都讚佢地態度好好）；成日想去第二次，但我仲處於想試新野既階段😅）
Sushi zo
鮨.齋藤
鮨舍利
Sushi tokami
（自己問題，16件太多，愈食愈緊張，有一半做左刺身；魚料又無嘩嘩聲，覺得一般般；準時12點去，得師傅同經理對住自己大部分時間，一舉一動俾人非常「留意」😂）
Sushi hana
（諗返味道係幾好，如果試多幾餐，我諗佢既實力會係返今次寫既舍利鮨上面。但講還咁講，每個人都會用自己嘅速度去進步）
鮨野（會再去既穩陣選擇，唔太hit，算易啲book同執雞）
鮨㐂（會再去既穩陣選擇，唔太hit，算易啲book同執雞））
今鮨（會再去既穩陣選擇，唔太hit，算易啲book同執雞）
志（一訪）
粹
（諗返一坐低望到全場同我差唔多年紀，或者大過我少少，就驚伏😂。唔伏既隔離位係年紀大啲、安靜啲、衣着或者行為舉止都優雅一啲既人。個餐雖然港式啲但好彩啲魚料算新鮮，服務好同平）
志（二訪）
鮨幸
鮨中本
鮨生賢
（排名只係我個人&一餐半餐既感想；同一間第一餐同第二餐體驗都會好唔同、整體感覺、非熟客🥲）
Post
