美味餃子店

Open Now

Now Closed

聽聞呢間店好出名，趁得閒就同朋友走左去食，下午1:45時段大概等左2分鐘左右就入得，入面係圓檯可以坐5個人，預作要搭檯。叫左煎白菜肉餃同埋雲耳椰菜肉湯餃（太心急食唔記得影），兩款餃子都好大隻，粒粒飽滿，同埋一個車仔麵配豬紅同冬菇。煎餃熱辣辣，落單後先煎好新鮮。肉質嫩滑唔散，白菜新鮮。煎餃要細口咬，要小心入面嘅湯汁，兩面都煎到金黃色，夠脆口。至於雲耳椰菜湯餃嘅餃子皮好Q彈，味道白菜款好食D。佢附上嘅野葛菜湯我同朋友就覺得麻麻地，有少少藥材味。另外佢地嘅菜脯都好出名，我同朋友就覺得不過不失，唔太特別，都係餃子味道特別D。（同埋唔知係咪因為菜脯免費嘅關係每次盛嘅時候都有人望住，有D尷尬。）車仔麵就普通嘅水準，份量正常但無食曬D麵，始終呢間店係主打餃子，唔可以expect太多，下次去只會幫襯餃子。