尚興潮州海鮮飯店 (Closed)

老字號，有水準。潮洲菜愈來愈小，先黎個豬紅，好滑，好香。隻魚係馬友，好多黃油，小小淋，有魚香。鼓椒炒蜆就夠惹味，但有啲係霉霉地，整體ok。蒸鱔食過兩次，上次陳皮，今次豉汁，都係麻麻地，好實。一定要試嘅係紅燒魚翅，係一排排的，超濃湯，超滿足，加埋火腿，香味一流。又唔漿口，真心正。蠔仔粥一窩兩份食，啱啱好，傳統味道。重點係個糖水，清心丸綠豆邊，煲到起晒沙，甜味適中，可以添食呀，無敵。最後飲啖功夫茶。滿足。