韓宮 (Closed)

朋友好鍾意食蟹，所以約朋友嚟食韓國醬油蟹。 呢間餐廳係傳統韓國餐廳格局，不少韓國菜式，有烤肉，湯，小食，炸雞等，總有一款適合。前菜有波菜、泡菜、醃蘿蔔。主打菜，醬油蟹好好味心無腥味，好入味。我哋一隻用嚟撈飯，一隻就咁食，蟹膏好多，蟹肉鮮甜，用嚟撈飯一流。平時唔食飯我都想撈食多幾碗飯。另外，我地有叫「韓燒豬肉」set A 包括有
烤五花腩Pork Belly，烤豬頸肉Sliced Pork Neck 同 辣醬烤五花腩Pork Belly with Chili Sauce。燒到脆卜卜，好味道，燒肉配菜都好好味；五花肉充滿驚喜，肉香十足，啲肥膏燒過之後會比較爽口，咬落去爆汁但唔會覺得肥膩，燒到四面金黃點少少辣醬包入生菜度真係人間極品韓式炒粉絲，份量不少，2-3個人吃絕對足夠，調味剛好，入味又不鹹，粉絲口感Q彈，也不會黏在一起。