坤記牛腩 (Closed)

睇openrice搵牛腩河嘅，成日都見到屋企附近嘅呢間。不過成日因為佢比其他鋪頭貴無走去食。今日趁紅雨，收工費時行咁遠，因利成便同細佬去試一試。其實，呢間鋪頭又真係貴得有道理，佢嘅牛腩飯係足料嘅蘿蔔清湯腩。牛筋牛腩都煮得好冧。至於咖喱牛腩飯，都係用呢一種腩，配埋咖喱汁。如果想食清湯腩嘅原味，叫蘿蔔牛腩飯係會食到原味多d。另外叫左個水餃，店員話可以mix韮菜餃。兩種都十分足料，真係好有澳門風城水餃嘅風味。