坤記牛腩 (Closed)

坤記牛腩終於結業了。記得當年你開擋時我心裏充滿期望，好開心九龍區有間高水準嘅牛腩專門店。開店初期，食材質素高，不下於其他出名嘅XX牛腩。我都多次幫襯，柯打鋪頭最貴嘅淨爽腩享用。可惜數年前一次外賣淨爽腩，返屋企開盒發現啲牛腩完全唔係嗰回事，竟然俾咗啲一般茶餐廳嘅擦膠牛腩，令我非常失望及憤怒。從此，坤記就放在我的黑名單上。一次不忠，百次不用。在疫情下你執笠我一點也不驚訝，市場力量係現實而殘酷，希望你將來東山復出，可以引以為戒。另外，我提醒你的姐妹店聯發不要掉以輕心。如果你唔明點解近年生意流失比同街嘅茶檔，請留意一下服務員嘅態度。祝瓜得瓜，種豆得豆。

坤記牛腩第一次黎幫襯呢間牛腩鋪，見到餐牌上邊有成四種不同牛腩就知呢間是牛腩專家。魚皮，自家制作，香脆，味道偏淡飲品方面，叫咗一杯熱檸蜜同埋凍檸賓，味道正常，凍唔會好，唔會溝淡左，暫時用外賣杯，夠晒衛生。自家秘製嘅辣椒油，非常好食，加入麵裡一齊食簡直一流。心郁郁都想買番一樽返去食。腩汁菜芯，夠晒腍同入味，菜亦好新鮮。崩沙牛腩，濃郁既牛味，好腍，鬆軟可口，有一層既肥膏係面，非常香滑，但食得多會太膩。雲吞，餡料好正，鮮蝦彈牙，豬肉新鮮，墨魚丸，爽甜香同juicy 。雙拼牛腩牛雜粗面，粗麵唔會有好重鹼水味，牛腩好鬆化，相比起崩沙只係冇咁肥，牛雜方面，肺同腸都好正，味濃，送麵一流！侍應有禮貌同埋主動介紹食品，餐廳環境舒，適座位闊落，乾淨，防疫用品齊全。

很喜歡港式麵食的我久不久就要吃一碗，而且特別鍾情牛雜牛腩，今晚與老公到了九龍城老字號坤記牛腩晚餐。餐廳是舊式卡位枱椅，平實簡潔，牆上貼滿食物餐牌，除了牛腩及牛雜，還有雲吞餃子，粉麵及飯食。門口貼了二人套餐牌，有魚皮菜、兩碗粉麵或飯，再加兩杯飲品也是150 +，性價比非常高。我們點了金牌牛三寶河粉、鳳城水餃拼鮮蝦雲吞撈油麵，郊外油菜及炸魚皮一碟，再加兩杯凍檸茶。牛三寶有牛筋、牛肚及牛腩，份量也不少，牛筋冧滑、牛腩唔肥而香淋，牛肚口感適中，湯底好味，河粉淋滑，配上自家製辣油特別好味。炸魚皮香脆大塊，郊外油菜配蠔油好味，軟硬度適中。水餃拼雲吞撈油麵大大碟，水餃及雲吞餡多有份量，口感非常好，味道也令人回味。

對於鍾意食懷舊餐廳既我，鍾情所有冰室，甚至係一啲懷舊嘅鋪頭，九龍城食泰國菜食得多，不如食啲老字號嘅牛腩麵啦，呢間淨係買牛腩，食落品質真係好高，全部都係新鮮嘅牛肉，而且上菜速度驚人，值得一讚咖喱牛腩撈（粗麵）$58份量非常之大嘅一碟， $58真係覺得好抵食，牛腩好多，咖喱汁係選用自家制嘅中式咖喱汁，非常惹味，遠處已經飄來陣陣嘅牛腩香味同埋咖喱香味，但係對我來講鹹咗少少，沾多少少佢哋你嘅湯就OK啦，D 粗麵都係非常之高質素嘅麵食落彈牙有咬口，事關大碟得滯我唯有外賣，第二日整番熱都仲係原汁原味，實在太滿意了。牛腩河粉 $50本身都有考慮過會唔會淨係好似出面嗰啲牛腩河咁樣一半係筋一半係肉，因為本身自己唔係好食牛筋，好開心原來嚟到嘅時候全部都係牛腩肉，而且全部都係偏瘦，牛腩口感非常鬆軟，河粉都煮得好好食，超級滑，而且份量都係好大碗，湯底方面亦都係用地方自家製制成既湯底，非常鮮甜郊外油菜 $20淨餃雙拼~ 雲吞水餃$46店員推薦鋪頭老闆每日新鮮自己包既餃子同埋雲吞，大粒到呢，大過一個乒乓波，非常之足料，雲吞入面真係有幾隻蝦係度，而且配料非常之多，嗌呢個都好飽喇坤記牛腩 (九龍城)九龍城侯王道2B號

牛腩粉相信香港人都由小吃到大了，下至十幾元上至幾十元都有，究竟他們有什麼分別呢？這次剛好經過九龍城，發現原來九龍城不一定只有泰國菜可以吃，也有出名的牛腩名店！店家不是用雪藏牛，而是每天新鮮買的騸牯牛，這能想像得到背後的成本究竟有多高了！金牌牛三寶配河粉（５５元）小朋友才做選擇，大人是全都要，所以金牌牛三寶肯定是必點的！這三寶分別有牛腩，牛筋和牛肚，這裡最出名的都可以一次過吃一次！首先是牛腩，這個真的被驚艷，牛腩入口即溶，輕輕的咬一下就已經化開，剩下的就是濃濃的牛味在口腔內停留，就像你吃日本Ａ５和牛一樣，但這個牛肉濃味一點！原來新鮮的牛腩真的那麼好吃，之前吃的可能是假的！之後是牛筋，這個也煮到很軟，吃進口有膠質，味道較清淡。最後是牛肚，這個吃起來比較爽滑，沒有異味，也沒有渣。因為是湯河粉，湯底肯定要有質素才可以配合到其他食材。這裡也不會失望，湯底能喝得出牛肉的清香，應該是用了大量牛骨跟牛肉慢慢地煮成，所以你可以看到店家有一項單賣牛骨上湯，就說明這是店家對自己的湯底的一個信心保證！河粉煮得剛剛好，不會太過軟爛，也可吸湯！秘製辣油也很香很辣，重口味人士可以試試！鳳城水餃拼鮮蝦雲吞　淨食（４６

坤記牛腩在九龍城無人不曉吧！運氣好的話還可以遇見發哥呢 牛雜粗牛肚口感爽帶嚼勁牛腸洗得乾淨， 少少油脂當然少不了 ， 很邪惡但我的卻確十分喜歡 。 牛肺 切得厚身啖啖肉， 牛蒡煮得粉粉的 非常入味。金牌牛三寶飯除了牛肚, 當然更要order坤記最出色的牛筋和牛腩。 金牌牛三寶飯就正正滿足了三個願望。 坤記的牛腩件頭和份量都對版， 牛腩肉味濃，鮮味滿載。 牛筋煮得淋， 喜歡吃淋的口感的不要錯過。 別忘了 喝一口濃牛骨煲成的湯，配飯變湯飯讓人停不了口。雲吞拼水餃除了牛腩牛筋，個人也十分喜歡這裏的雲吞水餃 。水餃包得飽滿， 木耳和 和蝦肉 給塞得滿滿的， 多汁爽口，一隻餃子一口根本吃不下。 雲吞也是同樣級做得大大隻的 ， 鮮蝦和豬肉宏混合 鮮甜多汁又爽口 。推薦一定要沾自家製辣醬， 香味會更升級讓人一粒一粒的吃雲吞停不了。

九龍城坤記牛腩，無論食清湯牛腩湯麵或飯，都各有美味。金牌牛三寶伊麵（$55）（伊麵+$5）：牛肚入味，牛筋入口即化，牛腩肥瘦適中，咬落去，肉味濃！伊麵好索湯，吸收成碗精華！淨水餃拼韭菜餃（唔記得幾錢）：兩種餃都幾飽滿，非常多餡料，特別係水餃，皮薄餡多，好食。腩汁油菜（$20），比起蠔油油菜健康少少，而且菜心都幾翠嫩。蘿蔔牛筋腩飯（$58），清湯牛腩清甜得來，亦好好撈飯。加幾滴辣油吊吊味，牛腩味道更突出。

睇openrice搵牛腩河嘅，成日都見到屋企附近嘅呢間。不過成日因為佢比其他鋪頭貴無走去食。今日趁紅雨，收工費時行咁遠，因利成便同細佬去試一試。其實，呢間鋪頭又真係貴得有道理，佢嘅牛腩飯係足料嘅蘿蔔清湯腩。牛筋牛腩都煮得好冧。至於咖喱牛腩飯，都係用呢一種腩，配埋咖喱汁。如果想食清湯腩嘅原味，叫蘿蔔牛腩飯係會食到原味多d。另外叫左個水餃，店員話可以mix韮菜餃。兩種都十分足料，真係好有澳門風城水餃嘅風味。

身為愛腩之人，豈會未聽過九龍城坤記牛腩既大名呢？橫掃全港既清湯腩，卻因為呢間坤記係九龍城比較隔涉就未去過，今日終於約曬一眾愛腩之人去食！叫咗個淨崩沙腩($170)、郊外油菜($20)、清甜蘿蔔($23)、金牌牛三寶撈伊面($63 轉伊面另+$5)崩沙腩炆得好鬆化，肉味好濃一咬落去滿滿嘅幸福，湯底好清澈冇乜雜質，如果冇咁鹹就更加好。點少少自家製辣椒油，更加惹味！呢度嘅蘿蔔切得好大舊，食起上嚟有啲麻煩，亦都要不顧儀態咁樣食，但係蘿蔔炆得好入味，我食咗好多舊。金牌牛三寶撈伊麵就係上湯撈麵😋牛三寶嘅份量好多，好抵食，有牛肚、牛筋、同埋牛腩，雖然牛腩係普通嘅牛腩，唔係好似崩沙腩咁正，但係都非常之好味，因為佢唔會太肥，非常林同埋肉味好重。聽講呢一度嘅鳳城水餃好好味，所以我哋都加左兩粒嚟試吓，皮薄餡靚勁大粒，係我最近食過最好味嘅！嘢飲方面叫咗豆漿($13)同凍奶茶。都正常，送飯一流。📍坤記牛腩九龍城侯王道2B號地下

自從上次試完佢個水餃之後，就間中都會買佢d水餃返去煮黎食，不過個湯底太重要，始終都系呢到煮既好食d。【淨食水餃】鳳城水餃mix韭菜餃呢到d水餃真系不得了，大大粒勁足料，皮又吾厚。最愛既始終系鳳城水餃，有筍絲同黑木耳，口感爽脆。湯底濃厚，但今日稍為鹹左d。【金牌牛三寶撈河粉】$62牛筋牛腩牛腩夠入味，烹調時間拿捏好好，吾會煮到好腍或好老，最正系牛筋勁有膠質。【咖哩牛筋牛腩飯】$56好似將d香料打成漿甘，濃縮咖哩，冇其他配菜，全部都系肉，食到尾會有d膩。

Fb見朋友話呢間嘢個崩沙腩好食，咪特登去試吓啦叫咗碗崩沙腩河。第一啖放嚿牛入口，咸到呢！d湯落咗好多鹽，cover晒成嚿牛既味。牛腩唔夠淋。有幾嚿牛筋，唔算硬，雖然仲可以淋d。河粉texture ok, 但吸咗d好咸嘅湯🤦🏻‍♀️。辣椒油係香既，但救唔到碗粉囉完全唔係我expect既牛腩河，都唔好要求到食咩特別部位喇。叫咗杯凍奶茶少甜。冇乜奶香，茶味帶點酸Service、環境呀都ok既。COVID之下都食得安心。

九龍城一向多嘢食 即使宋皇臺港鐡站仲未開通 為咗一碗牛腩粉 我會坐小巴🚐去幫襯 安撫吓個胃-#🐂🍜牛三寳河粉 ($55）自由配搭 除咗最高人氣嘅牛腩 我揀咗牛筋同牛肚 牛腩肥瘦均勻 肉味夠 果然名不虛傳 牛筋煙韌有嚼勁 牛肚亦炆得入味 大大碗粉有齊三個牛魔王熱門選項 真抵食 -#🍜牛丸魚片頭撈伊麵 ($57)牛丸彈牙好食 伊麵唔會過份腍身 魚片頭點啲自家製嘅辣椒油🌶️食 辣勁十足 啱嘅可以樽返屋企 只係$38 -#🥟淨韭菜餃 ($44）用料充足 韭菜味道夠搶夠香好好食 鮮蝦好大隻 一碗有五隻巨型餃子 -#清甜蘿蔔 ($23）白蘿蔔冇根 食牛肉牛腩之外 可以叫返碗當蔬菜食 不過個湯嘅味道鹹咗啲-📍坤記牛腩#九龍城侯王道2B號地下

餐廳：坤記牛腩 (九龍城)地址：九龍城侯王道2B號地下推介指數：9/10 禁堂食第一波外賣，對於我地冇煮家飯食既人，影響好大。我想講「坤記餃子」呢個名會合切d，牛腩系好食但餃子仲好食啊！！！勁大粒勁足料，皮薄爆餡，系平時食既double size。仲有個驚喜位系佢個湯底，勁濃郁，浸到條生菜都好好食！【金牌牛三寶河粉】$55好欣賞佢呢到既牛腩，熬煮左甘多仲保留住肉香，仲有個牛筋吾會腍到一patpat甘，仲有膠質既口感。【咖哩牛腩飯】$54呢隻咖哩汁就吾系好岩我，一堆香料攪到蓉去煮成汁甘，口感有d粗糙有d辣。

今日放工後，來到九龍城候王道的「坤記牛腩麵」買外賣回家吃。「坤記」在九龍城很有名氣，食粉麵湯底當然非常重要，老板每天都用150斤牛骨和牛肉淆製成上湯，真材實料。除了牛筋腩出名好吃之外，自家製的雲吞和餃子也是必試的。《蘿蔔牛筋腩飯》$58膠質豐富的牛筋腩，軟腍入味，湯底清甜，果然是招牌菜。韮菜餃$30（半打）餃子大大隻，餡料豐富，肉眼睇到裡面最少有3隻蝦，餃子皮薄，味道鮮甜。《豬手麵》$38 兩大舊南乳豬手，也是骨膠原豐富，把清湯加入麵內一齊食，好好味。疫情期間，大部分行業都飽受創傷，尤其是飲食業，希望大家一起加油，能盡快走出困境。外賣時記得走餐具，為地球出點綿力。

蘿蔔有渣都算啦～成層外皮未批就賣俾人會唔會過份d呀真係真係幾差嘅食肆都唔會咁做啦未批皮嘅蘿蔔你叫人點食呀真係太離譜太難令人接受啦另外叫咗個清湯腩味道真係好淡完全係冇味好似食白灼牛咁