Video
Read full review
2020-01-10
186 views
今晚朋友約我去灣仔一間傳統嘅日式料理食Omakase，所謂Omakase係由廚師發板，以最時令，最新鮮嘅食材，用師傅嘅一對巧手，以不同嘅配搭，令食材嘅味道提升至另一境界，另所有食客滿足而回😃。鮨生賢裝修簡樸，傳統日本風味，播著柔柔嘅日本純音樂，另繁忙左一日嘅我，要好好享受呢一刻，慢慢享受師傳為我地準備嘅晚餐😋。首先送上師傅自家醃製🥢柚子蘿蔔、酸薑，先用酸薑、蘿蔔清一清口腔嘅味蕾。🥢鱈魚白子即是鱈魚精子，含豐富蛋白質，老闆娘話呢個係時令食材，食埋呢兩日就要等到出年嘅冬天先再有得食架啦，日本宏宏特色食材當中，呢個深受日本人歡迎😋將白子整個放入口，酸汁另白子鮮味更提升，滑嘟嘟係口腔浮游一陣就直入喉嚨😃。🥢深海八爪魚，個吸盤成個一蚊銀咁大，爽脆煙靱，鮮甜彈牙。🥢野生真鯛，肉質鮮甜有彈性，只須加小小wasiba豉油，更加提鮮。壽司系列（壽司師傳已預先調教好味道）左起：🥢左口魚+左口魚邊 - 肉質結實，爽口甘香。🥢深海池魚 - 肉味偏淡但肉質實而帶點爽口。🥢帶子海膽 - 帶子超級鮮甜，加上海膽，更加感到幼滑感。🥢平政魚 - 脂感較多，所以口感較肥美、味道亦較濃。🥢銀鱈魚 - 呢個係最好味，佢獨有嘅
鮨生賢裝修簡樸，傳統日本風味，播著柔柔嘅日本純音樂，另繁忙左一日嘅我，要好好享受呢一刻，慢慢享受師傳為我地準備嘅晚餐😋。
首先送上師傅自家醃製🥢柚子蘿蔔、酸薑，先用酸薑、蘿蔔清一清口腔嘅味蕾。
🥢鱈魚白子即是鱈魚精子，含豐富蛋白質，老闆娘話呢個係時令食材，食埋呢兩日就要等到出年嘅冬天先再有得食架啦，日本宏宏特色食材當中，呢個深受日本人歡迎😋將白子整個放入口，酸汁另白子鮮味更提升，滑嘟嘟係口腔浮游一陣就直入喉嚨😃。
🥢深海八爪魚，個吸盤成個一蚊銀咁大，爽脆煙靱，鮮甜彈牙。
🥢野生真鯛，肉質鮮甜有彈性，只須加小小wasiba豉油，更加提鮮。
壽司系列（壽司師傳已預先調教好味道）
左起：
🥢左口魚+左口魚邊 - 肉質結實，爽口甘香。
🥢深海池魚 - 肉味偏淡但肉質實而帶點爽口。
🥢帶子海膽 - 帶子超級鮮甜，加上海膽，更加感到幼滑感。
🥢平政魚 - 脂感較多，所以口感較肥美、味道亦較濃。
🥢銀鱈魚 - 呢個係最好味，佢獨有嘅魚香會係口腔停留好耐，你會唔捨得比呢種魚香係口腔流走😅，老闆娘話唔係經常食倒，可遇不可求，即使在日本當地鱈魚都係好珍貴食材，好多時師傅只會留比熟客品嘗😋。
🥢剝皮魚+魚肝，剝皮魚本身冇嘜味道，全靠呢片肝臟提味提鮮。
🥢牡丹蝦，肉質好有彈性，只須加小小麵鼓醬已好美味。
🥢小肌 - 鮮味跟醋酸味好平衡，味道鮮美。
🥢池魚 - 油脂非常豐厚，入口甘香。
🥢中拖羅 - 油脂較高，魚味較濃。
🥢大拖羅 - 脂肪分怖如雪花，入口即溶，比中拖羅更加甘香。
🥢赤身 - 近乎無脂肪，所以肉色較紅，肉質較實，食落有豐富口感。
🥢馬糞海膽 - 色澤橙黃，味道濃郁，味道甘甜，口感幼滑，極品👍🏻。
最後送上:🥢蜆肉湯同:🥢紅豆 雪米磁，為今晚完美晚膳劃上完美句號😋。
今晚最欣賞鮨生賢嘅師傅，用最傳統方法炮製今晚嘅食材，全無花巧，唔會加入食用花等等花巧原素，雖然擺碟好靚，但就會破壞左食材本身嘅原味道，所以呢度嘅師傅都堅持最傳統嘅一份信念，實而不華，要食客嘗倒真正嘅原味道👍🏻。
Post
