鮨生賢

Open Now

Now Closed

🥰 老友 “意大利長介” 発現 廚師發板 “鮨生賢”, 今日終於帶我嚟見識.🥢 “鮨生賢” 位於灣仔舊商業大廈二樓, 12:25pm 到達, 大門仍然關上, 走廊非常焗熱. 擾攘一輪, 服務員出嚟開門, 第一印象係: 嘩! 咁 “山寨” 嘅? 燈光略暗, 裝修又有點殘舊, 設一張L型十人壽司吧枱, 少少似 “家庭式經營”. “長介” 選擇較平價嘅12道菜午餐, $680+10% (另一款係15 道菜, $880+10%).北海道珍蠔海螺白松貝右口魚帶子軍曹魚銀鱈魚脂肪主鯖魚鰹魚中大拖羅海膽吞拿魚蓉手卷魚湯蕨餅🦪 北海道珍蠔. 忌廉糖心嘅口感, 唔重海水金屬味道, 有趣!🐚 海螺. 以青檸汁調味, 脆口, 清新!🐚 白松貝. 即係日本嘅象拔蚌, 玩切條, 口感充實, 越嚼越鮮甜.🐟 右口魚. 據師傅介紹, 左口魚係養魚, 右口魚係野生嘅. 首先食魚肉, 甜美, 再食炙燒過嘅魚邊, 嘩, 魚油迫晒出嚟.🐚 帶子. 喺廚房燒完, 攞出嚟, 用紫菜包住, 以為完美結合, 事與願違, 帶子少少過熟了.😱 軍曹魚. 我以為師傅講笑, 原來真係叫 “軍曹”, 乃罕見食材, 我忍唔住問師傅 “係咪即係

遲來的食評。我諗我成世人未食過出得咁慢嘅omakase。不斷拖拖拖嘅原因，除咗因為師傅得一個人之外，仲因為師傅全程一路要同熟客吹水。第一，好嘈，本身omakase地方已經好細，仲要一班人同埋師傅幾個鐘不斷大聲講大聲笑，仲要強逼其他食客聽曬佢地對話內容。我諗我真係唔好彩，撞正D熟客。第二，前面有食評提過，係衛生問題。個堆熟客撞師傅前面，全部不斷講野，有冇諗過人講野都會噴幾多口水出嚟，更何況係兩個鐘不斷講唔停？我真係好後悔食咗依間野，因為食完睇番先發現之前有幾個食評都係話依度好嘈，埋單成二千嘅環境，係完全冇平靜舒服嘅感覺，全程一直要忍受師傅、食客嘅大聲喧嘩、滋擾，心裡不斷好想快啲食完快啲走，偏偏一個午餐要拖足兩個幾鐘。師傅同客人打好關係，固然係生意之道，但店主有冇心站在食客角度去提供一個適合omakase嘅環境，我非常質疑依種態度。唔係你不斷拖時間拖到兩個幾鐘先食得完就叫Omakase。

Have been to chef kens place a number of times and there is surprise every time. The ingredients are so fresh and he gets his seasonal ingredients on a daily basis! We love the uni and Toro so much!!! This time we had the Hokkaido oyster which is the size of our hand😊 and it’s so fresh we ordered another one!!!Its around HK$2k per person and we were sooo full in the end! It’s def a must have if u are a sushi fan!

聽講呢間#鮨生賢喺灣仔係好出名晚市有啲貴 所以lunch比較抵食啲omakase $880 15貫因為其實都掛住食所以冇乜點影相其實食物都算新鮮蠔都幾creamy拖羅都好食又無咩筋不過唔知係咪因為師傅好多熟客所以佢哋會用好多時間同啲客傾偈上菜呢就會慢咗 而且會有啲嘈我認為失去左日本傳統果種靜好難享受到食得開心🥲

朋友介紹嘅呢間omakase 地點都幾隱世🤫師傅風趣又好樂意講解每款食材嘅特別之處 食之餘仲學到嘢🤹🏻🥳一開始就係時令嘅花咲蟹🦀 蟹肉好甜 師傅👨🏻‍🍳話呢款蟹最靚係7月食 我哋又好好彩因為佢入到隻又大又靚嘅 蟹肉上面加咗超濃郁嘅蟹膏醬 形容唔到個滿足感😋之後師傅再整個石桓貝 勁新鮮同爽口鮮甜 🍣仲有令我好難忘嘅鮑魚同伊勢海老 即係龍蝦🦞隻龍蝦好猛 加上蝦膏一啖入口超滿足鮑魚係大過我塊面嘅千葉黑鮑 咁大隻從未見過😨不得不提師傅拿手嘅熟成魚刺身 熟成嘅刺身肉質會比較實在 越熟成得耐 味道就越濃 真係唔係咁易食得到 呢一餐真係食到飽到上心口 一共18道 甜品都唔可以錯過 係咖啡拖肥味嘅雪糕🍨💰價錢$1600一位 👉🏻鮨生賢 灣仔廈門街7-17號百旺都中心2樓A號舖.__________#廚師發辦 #石桓貝 #龍蝦刺身 #伊勢海老 #灣仔日本菜 #拜託了 #日式料理 #隱世小店#omakase #sushi #japanesefood #sashimi #foodporn #sushilovers #foodstagram #japanesecuisine #omakasesushi #s

試完就算入到去，真係有陣味，一坐低就見到牆上枱面都有幾架戰爭機冇人問唔食啲咩，要自己講沙律好好好一般蒸蛋係滑既，不過入面又要加舊魚蠔就真係奇怪，我其他朋友都大隻既，我果隻就似金蠔（1隻頂2隻），又唔太新鮮到刺身右口魚個身係林林地象拔蚌正常帆立貝得半粒之後就真係可以話用得唔好嘥，象拔蚌果肝煮熟左又當一道白蝦一般，講明唔食濃味既野，上面加左酒盜冇熟食之後壽司就越整越大舊赤貝拍完都冇反應BB吞拿魚野生卜口金目鯛鯛魚海膽（多唔一定好）（有陣怪味）面豉湯就普通到普通，入面重要加埋啲未啤清既本地蔥手卷甜品係買番黎解凍既mochi 冇飲酒，埋單都差唔多成千蚊一個雖然我地遲左少少到，12：45 到都要食到3點果日中午10位坐滿，不過都唔洗咁耐吓有啲野都喺廚房整好

Omakase對我來說巳有些濫，有很多店子有名無實以厨師發辦作為招客噱頭。漸漸我對Omakase沒多大興趣。我來這裡因日本朋友帶我來這裡吃Omakase，既然日本人也如飯堂來吃，想必應不差。此店沒有華麗裝修，有的只是務實將食物鮮味呈現於味蕾。全埸只得倆人待客，Ken師傳由訂魚至寿司上枱皆一條龍包辨，在這裡吃的三小時裡绝對是一種享受，也吃到於日本Omakasa的精粹。現在每月我最少也到這裡一次。每次也覺得物有所值

如果想搵一間有人情味 可以同師傅吹下水 慢慢enjoy既omakase 咁呢到就岩你啦👍呢到淨係做一輪生意 會等齊所有人一齊先開始食 大概2.5個鐘先會食完～今次試左午餐$880 15種食物既套餐由於太多張相放唔晒 所以淨係揀咗記憶比較深刻嘅出嚟😂前菜生蠔好大隻！仲有帶子仲有呢個日本新鮮象拔蚌 食落勁鮮甜👍👍印象深刻呢度比較多魚嘅內臟 算係呢度嘅特色呢個係魚肝 第一次試 估唔到識落又幾滑幾香野生既拖羅 食落去浸味同平時睇落去好肥美嗰啲陀螺真係唔同 香好多 就好似走地雞同冰鮮雞嘅分別😂😂池魚都唔錯👍嚟到重頭戲海膽 呢度好特別唔放喺隻碟度 係放喺食客隻手度😂可以順便打個卡師傅拎住條魚皮用火猛燒 提煉左啲魚油之後 撈左呢個吞拿魚溶手卷 師傅燒嗰陣我覺得自己好似睇緊表演咁😂😂滴咗好多魚油落去但係食落又唔係咁香魚油味 食落直頭係唔覺得肥食完咁多樣真係會超級飽😂$880都真係算抵食呢度由於場地太細訂位都比較困難 如果有興趣就要預早啲訂

童年好友大壽，包了場邀請一眾老同學一齊食生日飯小店位置不算很大，一行十幾人剛剛好Ken 師傅手勢不錯，昆布海膽壽司極之美味海膽又香又滑其他好似蟹，蠔同埋魚生都令人回味無窮，呢間小店嘅質素比好多更出名嘅日本餐廳都有過之而無不及。如果一班朋友去值得一試。

中午omakase $880 15款食物OK但環境真係好差睇返前面D REVIEW都知師傅有好多熟客而師傅會用好多時間同D熟客吹水, 唔緊要不過係一個大家只坐bar台、食緊近千蚊既午餐時班人不斷大聲喧嘩, 成餐飯有一半時間都好嘈D熟客完全唔顧其他客人既感受, 當正個場係酒樓當然都要師傅同侍應一齊配合佢地, 一齊大聲講大聲笑先會搞到環境咁差問題黎了, 其實口沫橫飛呢樣野都唔需要話真係見到D口水好似落雨咁飛出黎先叫發生左我地食緊刺身, D野就未煮過既班熟客坐正係師傅前面，同D處理中既刺身極近，不斷大聲講野成件事好反胃......個日午餐我都唔知食左佢D客既幾多口水師傅亦似乎對呢樣野完全無任何awareness環境一差, D野食幾好食都無用啦最慘係個午餐要食足2.5小時左右鮨生賢 - overrated.

這是我最近比較完差不多價位的omakase後才寫下的食評，相信有互相比較後會較為中肯當晚晚餐一開始的時候發生了一段小插曲，師傅不小心把一工具丢到地上，然後師傅隨即大力把工具往他的外圍踢去，把現場氣氛都弄得有些許尷尬，要外場服務生連忙解釋師傅因為不想沾污他雙手才用腳踢開，但我看到師傅最後還是用手把工具拿起。老實說，整晚的用餐氣氛、體驗對我來說感覺頗差，從師傅對食材的對待、態度、以及處理都十分不理想。食材方面鮮度不理想，有些甚至只達到連鎖店級的水準。調味單一，基本上生魚片、貝類都是同一調味方式。飯偏酸，與魚類欠缺平衡，也可能只是本人口味不合而已，師傅解釋因疫情而購入不到平常所慣用的赤醋，相信如果師傅能用回本身慣用的也許會有更佳的效果。在對待食材的態度及方式十分隨性，隨性得讓我感覺到師傅對食材的不尊重及重視。而事前準備不足，不知道是否只有師傅一人，而以致沒有足夠時間準備好10人份的食材，導致用餐時間差不多到晚上11時左右。值得一提的是在這𥚃用餐，我相信每位客人都一定會捧著肚子離開，食物都份量十足，追求飽足感的不妨考慮。服務方面，外場的服務生親切有禮、十分勤快，樂於與客人解釋及補充師傅所遺漏的

生日當然要揾好野食。正如師傅問我係咪朋友介紹，但其實我響OpenRice 揾佢既。中午時份，只得八人座位，凈做omakase. 問要幾貫既時候，生日喎！當然食最多啦（最後飽到攬住個肚走人）一上沙律同埋蒸蛋（白果，日本魚蛋）嘅時候，第一時間覺得咦咁普通嘅🤔之後就開始食刺身類喇！先黎北海道生蠔（冇海水味，有柚子味，爽口同好creamy)。再黎就係白子（好滑，但始終我對呢類內臟麻麻地，所以都幾夾硬吞落肚）😔或者應該一開始問左客人有咩唔食先得。然後係帶子，感覺都係🥺點解得一半𠺢。味道非常清甜，無左平時咬落去黏牙既感覺。再黎白蝦，上面應該係內臟類，因為老公既無（佢完全唔食內臟既），我將佢哋分開嚟食，白蝦非常鮮甜再上白子，呢個白子師傅用火槍燒過，無之前既白子咁滑，但依舊creamy。食壽司前師傅俾左蘿白同薑清味蕾。本人覺得蘿蔔偏譚冇乜味道，但個薑非常出色甜同酸嘅比例啱啱好🥳壽司上場，今次學人哋用手食，原來感覺真係非常之好㗎喎摸上手嘅時候感覺到啲飯係就嚟跌嘅感覺，但係佢又唔會跌，而且壽司已經加晒Wasabi同埋豉油，基本上只要用手拎住放入口就可以啦。先黎金鯛，平時見到魚皮都驚驚地。但呢個完全唔腥。然

之前舊舖無左就一直在尋找Ken師傅的蹤影，終於在某個食評見到佢，馬上book，點知都要等2個幾月先有weekend位～魚生刺身 和 醋飯壽司還是以往一樣的高水準 ，海膽和魚肝的甘甜，十分令人回味！而本人每次最最最期待的就係生薑蘿蔔，師傅自己醃製的生薑是外面吃不到的，一試難忘～好想問師傅生薑可否宅配😎😎一餐飯可以慢食3小時，還可以欣賞師傅的刀工，很寫意悠閒～已順便book好10月晚餐和11月的午餐位了，期待中～ 😊😊😊

經網友介紹這間餐廳，由book 枱開始已經感受到賓至如歸的服務態度。餐廳位於灣仔廈門街一座不起眼的舊商業大廈，餐廳面積不是很大，只放了一張可坐10至11人的壽司枱，加上簡樸的日式裝修，給人一個家的溫馨感覺。當晚有10個賓客，來自兩個家庭。由於師傅Ken 及助手Chloe 的貼心服務，整晚氣氛非常和諧及溫馨。食物方面，師傅Ken 為我們揀選了約二十多款食材，大部分都是季節限定又甚至乎是可遇不可求的。全部都非常新鮮。其中最令人難忘的是深海龍躉、三款不同的海膽、搶先吃的季節限定白子（顏色逞粉紅色）、以及同時是搶先吃的季節限定秋刀魚、半生熟的岩蠔及多款貝殻類刺身或壽司等等….😋😋每吃一道菜都有種幸福滿滿的感覺🥰🥰最後Chloe為我貼心安排了的一個小小生日甜品，為一餐吃了接近五小時又絕沒有悶場的晚飯畫上完美句號。

朋友帶我來食，本來都是抱著一個正常品嚐omakase心態，無乜特別期望，至在跟朋友一聚，但一嚐之後，實在驚喜，好耐無食過咁滿足的一餐omakase。相信之前的食評都有介紹很多菜式，所以在此我也不多講了，留番少少神秘感讓大家自己去感受一下。主要我想分享一下整個用餐體驗，一入到餐廳，大約只有十個位，全是sushi bar枱，每個客人都可欣賞師傅的手藝及刀功，亦可跟師傅互動。現在香港很多所謂的omakase，實際上都只是食一個套餐，毫無變化，但鮨生賢的食材大都是野生，新鮮已是最基本不過，不用多說，主要品嚐番食材的原味和鮮味，不花巧、不做作，每件製作出來的壽司真是不懂挑剔，最令我驚喜的是師傅對每道料理的製作和心思，及帶給客人的新鮮感，睇得出如果不是非常熱愛自己的工作，客人是好難有如此的體驗。食到最後，連一個湯都無hea場，整餐飯食咗兩個鐘，每道菜與菜之間都有充足的時間同朋友討論、回味及跟師傅互動，$880品嚐如此高質的午市omakase，實在滿足，已訂了下月再來。