小房子 (Moved) New Location

係雜誌見到呢間位於旺角鬧市中，佈置得妹好似花園嘅小房子，實在為偽文青鐘情嘅cafe，相約小伙伴一齊過黎談下心，update下近況。旺角唐樓上嘅樓上cafe，位置唔算太難搵。Cafe樓下一層，係相關嘅一間小商店，都係賣啲手作類物品。小房子提供嘅食物較為簡單，而且都係比較健康一啲。試左佢嘅豆腐芝士蛋糕，淡淡嘅豆腐味，口感軟身，不過餅底就偏硬。花茶都係清清淡淡，感覺清新。若果係愛貓嘅偽文青，呢度更有多一個理由令你到訪，有幾隻可愛貓咪成日跳黎跳去，唔係好痴人，原來佢地先係真正嘅高貴小文青。