Oldish (Closed)

幢工廠大廠係非常舊式的，即係部𨋢係趟閘的，一出𨋢門就好黑，行入去就另一個世界，一邊係餐廳，另一邊係舖頭，而且放左好幾部電單車、同Lee公仔，食完可以去望下。呢到最低消費每人$150，我地2個人叫左一個羅宋湯risotto & 一個all day breakfast，其實味道就2個都好普通，但相比之下，味道我會覺得risotto好味d，因為個all day breakfast果舊包係乾爭爭的法包，磨菇同蛋都炒得唔香，其他野都係普通大路貨式，唯一係2碟的三文魚都卷得好靚，賣相加番少少分。不過服務方面要讚一讚，話說叫左杯熱檸茶，但飲同聞都覺得有朕怪怪地既味，我懷疑係隻杯未洗乾淨，同餐廳講，佢地都即刻換，之後都有再問新果杯有無問題，貼心的。