Oldish (Closed)

今日約了同學吃午餐，之前同學吃過這不錯，所以就試下。餐廳在工廈，店內環境不錯，有不少擺設，而餐牌是本練習簿。大部分同學都點了all day breakfast ，其中有一位點了egg benedict。All day breakfast 份量頗大，有炒蛋，豬肉腸，磨菇，蕃茄，炸薯餅，煙肉，煙三文魚，茄汁豆及麵包。賣相一般，而味道亦普通，沒什麼特別。至於egg benedict，有煙三文魚，巴馬火腿，流心蛋，薯條及沙律菜等，份量算大，薯條太乾身，沒有太大驚喜。自助沙律吧食物質素雖然平凡，但勝在環境搭救，一群三五知己嘻嘻哈哈，又度過一個快樂的一個下午。

估不到觀塘有咁型格既地方食飯，一進門左邊是賣衣物，午餐未有時間去看有沒有心頭好，但裝置格局就好像去了日本的時裝店，尤其是幾部vintage 電單車將整體感覺推上另一層次。右邊是餐廳範圍，是open kitchen的設計，亮點是有年輕有型的廚師坐鎮，座位用上實木長枱，有些地方有鐵片修補的痕跡，很有粗獷豪邁的感覺。 三個餐最好味係fish and chips. 做到外脆內軟。每個餐跟免費salad bar, 選擇足夠，味道不錯，因為沙律醬有麻醬，錯不了。餐廳氣氛輕鬆，看來很適合大班朋友包場party.

同事搵到呢間罕有有格調得黎，食物又好味既型格cafe，位於不起眼既工業大廈。打開Lift，全層都係同一間店，超大，一半地方都係放置左出售既皮鞋及製皮革既小工場（岩曬未有得食既我地逛下影下文青相），另一邊係cafe，開放式廚房卻一d油煙味都無，座位闊落舒適。唯一缺點係上菜速度慢且漏單需改善！Lunch set可以去salad bar任取一碗沙律一次，蔬果及沙律醬既款式多樣炸魚超大碟，再三詢問下係咪2個餐夾埋左一齊，因為另一份遲遲未出，最後等唔切唯有cancel炸魚既魚肉雪白好嫩，連同薯條都係即炸，熱辣辣超好味藍芝士忌廉汁海鮮意粉配料多芝士味濃，share食就無咁漏啦！最失望既係個pizza，細碟到咁，同便利碟買果d有咩分別

觀塘好多美食都係工廈，Oldish 就係其中之一。呢到餐廳隔離仲有賣野，成個裝修都好有復古味道，而且地方闊落唔算好多人，一班人黎傾下計食下野好舒服可能我地算早去，人唔太多，靜靜地傾下計好正左上：Mexico Spicy Chicken Breast & Avocado Salad $108右下：Parma Ham & Melon Pizza $132沙律灑上幾塊mexican spicy chips 就已經叫Mexican spicy salad, 呢方面有少少失望，而且雞肉真係有少少太凍同太硬，唔建議點呢個。Pizza 上Parma Ham 唔會一味得個咸字，混合成個口感好好！而且放左一陣影相都係熱辣辣，食落感覺好好，推介！Deep-fried Portobello w/ Honey Mustard $68呢個真係大推介！首先份量真係唔呃人，之前食過一間38蚊得一隻菇，以為嗰個係公價，而家有六粒咁大粒真係覺得好抵。點醬食落冇咁單調，但唔點一樣咁好食，因為菇炸左之後仍然保留多汁，令口感好豐富，亦都好juicy!Lasagna Bolognese in Tomato Sauce $125

#CanTryOldish offers some pretty good pasta choice. The place is spacious and well designed. The open kitchen design gives customers a good sense of space.For the lunch set, they offer 5 choices, we went with the set C spaghetti. The food is decent, the pasta is not too soggy or stiff, just right texture. The price is within normal Kwun Tong western restaurant range. The chairs are a bit stiff, but overall pretty comfortable to just eat and chill with friends.

星期六chill chill，又黎觀塘工廈覓食，巧明大廈的升降機真係好舊式，不過有位伯伯幫手控制，順利黎到oldish餐廳。一入去就感覺到佢的風格，好多木的傢私，有啲舊有啲古典味，都幾有心思。枱櫈都係木，睇就好有特色，坐就麻麻地舒服。但整體環境幾有feel。最得意的係枱面上裝糖的器皿係非常中式，都幾大contrast，又中又西。食物都係西式，但有自助沙律吧，都幾多野揀，有沙律菜、粟米、薯仔、麵包糠，仲有cereal添，不過冇奶。醬汁有芝麻醬、千島醬，小型沙律吧黎講算幾唔錯。Lunch set仲包湯，係蘑菇湯，味道唔錯，但賣相一般，用中國碗裝住有啲奇怪，質感亦略嫌太杰，但好夠菇味。主菜全日早餐！都好豐富，炒蛋、煙三文魚、腸、菇、焗豆、麵包都好食，麵包好香，甜甜地，好鬆軟但好細個。腸份量幾大，但幾juicy。可惜，煙肉好dry，薯餅亦唔太新鮮，整體只屬一般。飲品加錢叫左cappuccino，好大杯，而且幾好飲，咖啡味濃，咖啡同奶比例亦啱啱好，唔錯！工廈餐廳黎講，裝修幾有特色，好有風格，食物就average，不過不失，係同朋友聚腳的好地方，咁的價錢包湯、沙律吧、主菜又有野飲，算幾抵食。

觀塘工廠大廈好多餐廳，但唔係間間都有質素 ，oldish 就係我其中一間比較中意既~~ 剩係個懷舊style主題已經好正！餐廳傍邊有賣衫同皮革製品的空間。食物方面，依日假期無咩人，上到去有set~ 主菜Full English Breakfast 咩都齊，好開心有煙三文魚！蛋炒得夠哂滑～如果麵包係toast仲正！ 個set 包salad bar! 選擇不多，但蔬菜算新鮮，小蕃茄多汁。因為主菜已經飽肚，不想浪費只夾了小小的一盤。地點唔係好就腳但好好hea的一個地方~~ 野食都幾好丫。

朋友介紹官塘工廈食店，一出電梯，好黑，入到門口以為入咗服裝店，好型下枱面設計係一道仿古木門，而且最討厭的部分係，兩個人坐好地地，好似我地四個人，枱中間一個個圓形球體，放兩兩碟嘢都唔得！我個位正好係門鎖位，碟都放唔到！唔通因為環保想我地點少啲嘢食？算，講返重點，食物～ 芝士通粉炸成三角形，好特別，不過外皮炸到好硬，而且油味重黑松露野菇薄餅好味，松露味十足，而且放好多菇，正！椒鹽茶樹菇都好味，略嫌淡口，椒鹽味不足，但整體係好食牛肉千層麵好味，但可能焗時間長，有點乾身牛扒五成熟剛好，伴薯蓉，反而薯蓉加上肉汁偏咸提拉米蘇用上雪糕有啲奇怪，冇酒味，又唔知點解會咁多汁？真心不喜朱古力面包布丁呢個好味，如果可以加個雪糕仲正！其實Oldish啲嘢唔係唔好食，但總係差小小，凹凸不平的枱面，高低不一的坐椅，係有特色，但坐得唔舒服又點會嚟第二次呢⋯⋯

作為汽車維修員拎住士巴拿係好正常架，一行入去就有股工業味既餐廳，左邊賣皮革飾物既潮店左邊係餐廳。大廈依然用左舊式既電梯，要拉開一道重重既鐵閘入去同出去，好似拉開就進入左英式既地方咁，一出去見到大大張木造既工作枱同勁香既煙燻味道。同左Growth Ring & Supply同埋Alternative Country合作，所有傢俬都由Growth Ring & Supply一手包辦，左邊商店有不同牌子既產品賣，但係係工業風既大地方入面又好match既感覺。咁型既電單車簡直係呢度既招牌，一大架咁泊左係門口勁搶眼，勁有復古風味。仲有衫同鞋賣，真係包羅萬有。另外仲有皮革工作室，有好多皮革產品賣，好vintage既感覺。餐廳旁邊有一塊Love Wall，上面掛左好多唔同人寫野既牌仔上去，側邊仲有筆可以俾你用架，裝住筆既就勁有以前既刷牙杯Feel。全家餐廳都用左木系同工業風既風格，一系列既古董凳，最有特色可算係枱，其實係由日本既大門改建而成，真係超有心思。連裝餐具既都唔馬虎，用左古舊既刷牙杯，仲有大家見過既福字同求結同心裝牙簽同糖。餐牌用左小時候既練習簿超懷舊，上面仲畫左in love with t

去過Oldish 幾次，但食dinner都系第一次。他們也有提供dinner set，但我地都系選擇散叫。朋友未到齊又肚餓，叫住D小吃吧。士多啤梨益力多，好香好好飲。這個椒鹽茶樹菇，小吃也不小，香口又惹味。椒鹽雞翼，雞翼size 系一開二，很容易吃。還有叫埋炸薯條，簡直系唔熱氣唔食。可惜這處沒有啤酒賣，加埋杯冰凍啤酒就完美了。人齊了，坦白講，已有點飽了！主吃叫了磨菇pizza。每人一件，又薄又香，沒有負擔。牛扒，朋友說很不錯，因為她愛肥膏。本來想叫豬手，但驚太膩，改了海鮮拼盤。只覺得銀雪魚較好，其它鮮味欠奉！Oldish 版tiramisu ，外型像donut，之前已嘗過，咖啡味濃，好似吃雪糕，朋友很喜愛，唔太甜帶點苦哩！唯一系工廠大廈較怕搭𨋢，很多要手動，關不上門，又會停頓！

週六中午在觀塘覓食，上網見到評價不錯決定一試，但結果非常失望，完全是浪費時間和金錢。首先在佈置方面，我明白餐廳想有特色，所以用上舊家具，但為何桌面凹凸不平，連放好餐盤都有困難，真是令人費解。其次是菜單方面，唯一一款的是日餐湯是辣的，不大眾化，令不吃辣的人卻步。再來是今日沒有沙律吧，職員也沒有作任何解釋。然後在味道方面，All Day Breakfast和Benedict Egg普普通通，但牛肉漢堡扒就很可怕了，咸得不能入口。最後結帳時向職員反映，對方毫無反應和表示，一聲唔好意思、對唔住都沒有，所以服務同樣扣分。飲品方面，咖啡還不錯，僅此而已。最後價錢方面，最低消費$150或一份早餐，不但在工廠區屬於貴價，品質和服務也不值。大大的負評！

最近身邊既朋友都話依間好食環境又靚，為食既我又去試下啦😜今次去食Lunch, 一入到去覺得好靚，成個空間分開兩部分，一邊係整皮革，一邊係餐廳，個裝修好懷舊又好有風格👍🏻食物分面就叫左個All Day Breakfast！坦白講，我覺得個All Day Breakfast就不過不失既，都係有煙三文魚、煙肉，德國腸、餐包、茄汁豆、番茄、薯餅等，味道不過不失！我幾欣賞佢地有自助沙律吧依個concept，order set lunch的話可以去自助沙律包攞一次野食，食都食得健康d😊但至於今次沙律吧既野食就有啲失準啦，薯仔好似唔夠熟，cereals亦唔脆😕令我驚喜既係佢地既甘荀湯同埋紫薯latte😋😋😋先講個甘荀湯，酸酸地，飲得出有甘荀蓉同埋有少少龍蝦肉，幾好味👍🏻紫薯latte最正❤️我本身唔特別好奶類既飲品，但食個latte唔會好奶，反而好重紫薯味，再加啖啖都有紫薯蓉，又唔會太甜，好好味👍🏻👍🏻👍🏻

weekend o黎食個 brunch環境都唔錯, 有好多依 d 公仔幾有玩味同一個地方仲有賣皮革品 o個 d好有 lifestyle o甘呢~all day breakfast 好豐富個樣都整得幾靚意粉都幾好食感覺依間分店價錢平過上環同好似有 d other choices唔係得 "brunch" "all day breakfast"多 d 飯同意粉依 d o野食daily soup ok, 有 d 稀, 冇咩特別salad 係自己裝 ge, d o野都幾 fresh

星期日因為落雨無山行, 所以做個偽文青去觀塘影下相,  Lunch梗係搵返D 0岩偽文青去的地方啦. 呢度地方闊落, 無訂位一點去到幸好都有位. 一坐底見到個Menu, 朋友反應好大話做咩係Exercise Book. 好彩我一早做左功課. 無佢咁大鄉里本練習簿上有一項寫明每人最底消費$150. 望下d set lunch唔過$150 wor. 一問之下原來叫左set lunch佢都唔駛我地叫夠$150. 好彩... 咪真係會好飽. 我叫左個B餐. Spaghetti w/chicken Ball in Teriyaki Sauce $124照燒汁野菜雞球燴意大利粉 +$5 蜜桃茶呢個餐雖然過百, 但一d都唔hea. 先黎一個熱湯, 但係咩湯呢? 望落去有點似南瓜湯. 但飲落去又唔似. 不過勝在夠熱. 而且唔難飲. 再加埋d 小"配菜"?? 飲落去都重有少少"咬口". 其實我都幾想知究竟係咩湯, 但同朋友都異口同聲話唔差.. 好.. 主菜到. 除左雞之外, 重有好多疏菜, 岩晒我. 不過個雞就有少少硬. 照燒汁朋友話好甜, 但我覺得還好. 只不過點解d雞可以整到咁硬? 至於野菜都同樣比

環境:入到門口已經覺得勁有型勁有style每一個角落都好有藝術氣息每一張客人坐既櫈都唔一樣好似入左外國人既屋企食野咁食物:Lunch set 會包自助沙律bar一次係每一樣野都好食 蔬果好新鮮好靚其中一個沙律醬係芝士味的好食到喊出黎！麵包係加埋芝士粉烤 正！有高級既煙肉粒主食就ok la 都唔錯既All day breakfast 好大份 一個人可能會食唔曬最後大愛焦糖咖啡！奶打得夠密 飲到低拉花都未化開甜味剛好 唔使再落糖咖啡香濃 唔酸 順喉 飲落去好舒服！整體都10分好 貴少少都值得