Bove (Closed)

要知道喺葵涌廣場呢個美食天地，食到Bove嘅soufflé pancakes唔係一件容易嘅事，皆因成日都有好多人排隊，好快就賣晒。今日咁岩喺元朗食完飯，經過摩豆想食雞蛋仔啦，點知比我見到BOVE soufflé pancake, 就忍唔住沖左入去試試！重點係，呢度竟然有我最鍾意嘅伯爵茶口味，唔使諗就揀咗佢。不過，佢出到嚟嘅效果同我嘅預想係大相逕庭，呢個似係伯爵茶蛋糕多啲，口感比較厚實，缺乏souffle應有嘅鬆軟口感，更加係零空氣感。而且，只係得其中一塊中間係比較濕潤，另一塊超級乾身。伯爵茶嘅味道更加係好淡，雖然係會見到好多伯爵茶茶葉，但係雞蛋嘅味道會比較突出，始終唔太食到伯爵茶嘅味道。