Luna Bar & Restaurant

Open Now

Now Closed

想食泰菜，又想去啲chill啲嘅地方，搵到尖沙咀地段嘅呢間潮吧。憑地址，本來有啲難搵，因為係一個當眼但係唔容易轉入去嘅行仔，不過一轉入去，就另一片天…因為有open area， open Bar，卡拉OK area，仲有飛鏢area，其實係包羅萬有的一間Bar。九點前可以安靜地食飯，九點後就開始有人唱歌，有好又唔好。以為酒吧的食物水準只有一般，點知有驚喜。叫咗一個青咖喱配蒜蓉包，另外加薄餅。咖喱一上枱，已經聞到正宗咖喱香味，蒜蓉包香脆，另外想的燒薄餅加青咖喱，好食到冇朋友。想食串燒，又唔知揀邊樣肉，最後叫咗泰式串燒雜錦，有雞肉，豬肉，牛肉各兩吋，上枱時熱辣辣，肉質鬆嫩，有沙律配上，仲有沙嗲汁，另外酸汁，佢哋嘅特製醬汁加上肉，真係好好味。因為怕太熱氣，叫咗個馬拉盞炒通菜，炒得非常入味，本來仲想叫多碟。另外叫咗泰式椰汁冰，龍眼冰，味道適中不過不失。