Video
Read full review
2023-04-04
3181 views
呢日喺荔枝角啲工廈參加完活動，見差唔多要食晚飯，於是周圍搵食。以為工廠區星期日冇咩餐廳會開，點知行行下就見到「潮食地Chill Cafe」呢間餐廳，於是決定入嚟一試。☺️☺️行到入嚟，覺得裝修好企理、非常新潮，唔似一般嘅茶餐廳。坐低望望餐牌，就發覺佢有非常之多元化嘅美食。除咗一般家常小菜、風味小炒，仲有各適其適嘅沙律，如南瓜紫薯藜麥沙律、挪威煙三文魚凱撒沙律，仲有芝士蛋糕、鮮果杏仁片奇亞籽椰奶等甜品，令選擇困難症嘅我，睇咗勁耐餐牌，都諗唔到食乜。最後我叫咗一人前石燒西班牙黑毛豬梅頭肉配日式飯素及流心蛋（$128），跟餐加$12，叫咗杯特飲西班牙咖啡。😍😍本身以為呢度只不過一間普通嘅茶餐廳，真係估唔到佢咁潮、咁多元化，竟然會有一人前石燒飯。侍應將石板拎上張枱嘅時候，感覺好滿足，就好似細個去平價西餐廳，成塊鐵板上牛扒送上嘅感覺😂😂至於呢味石燒西班牙黑毛豬梅頭肉，梅頭肉肉質柔嫩，入口即化，經過石頭燒嘅加熱，肉質更加鮮嫩多汁，配合埋流心蛋，口感絕佳豐富，叫人感覺驚喜出色😋😋而佢嗰杯西班牙咖啡都係不容錯過的飲品。它的口感濃郁、香氣十足，加上幼滑軟綿嘅黑芝麻雪糕，非常適合用來與食物搭配，讓整個用餐體驗
行到入嚟，覺得裝修好企理、非常新潮，唔似一般嘅茶餐廳。坐低望望餐牌，就發覺佢有非常之多元化嘅美食。除咗一般家常小菜、風味小炒，仲有各適其適嘅沙律，如南瓜紫薯藜麥沙律、挪威煙三文魚凱撒沙律，仲有芝士蛋糕、鮮果杏仁片奇亞籽椰奶等甜品，令選擇困難症嘅我，睇咗勁耐餐牌，都諗唔到食乜。最後我叫咗一人前石燒西班牙黑毛豬梅頭肉配日式飯素及流心蛋（$128），跟餐加$12，叫咗杯特飲西班牙咖啡。😍😍
本身以為呢度只不過一間普通嘅茶餐廳，真係估唔到佢咁潮、咁多元化，竟然會有一人前石燒飯。侍應將石板拎上張枱嘅時候，感覺好滿足，就好似細個去平價西餐廳，成塊鐵板上牛扒送上嘅感覺😂😂
至於呢味石燒西班牙黑毛豬梅頭肉，梅頭肉肉質柔嫩，入口即化，經過石頭燒嘅加熱，肉質更加鮮嫩多汁，配合埋流心蛋，口感絕佳豐富，叫人感覺驚喜出色😋😋
而佢嗰杯西班牙咖啡都係不容錯過的飲品。它的口感濃郁、香氣十足，加上幼滑軟綿嘅黑芝麻雪糕，非常適合用來與食物搭配，讓整個用餐體驗更完美。
「潮食地Chill Cafe」竟然可以咁潮，有石頭燒西班牙黑毛豬梅頭肉同埋西班牙咖啡，講真都幾特別，加上佢用餐環境舒適，讓人感到放鬆愉悅，如果你喜歡探索美食，呢間餐廳絕對值得一試。
潮食地Chill Cafe
地址：荔枝角長沙灣道788號羅氏商業廣場地下B號舖
Post
