海膽仔

Open Now

Now Closed

新蒲崗有間好出名嘅日本餐廳叫海膽仔，聽過身邊啲朋友講過好多次，今次終於可以自己嚟試一試啦！以前嚟呢頭多數都係打邊爐，喺地區小店中間，原來有一間咁正嘅日本餐！成餐我覺得最好食就係個鮪魚壽司拼盤，包大拖羅兩件，中拖羅兩件，赤身兩件同埋香蔥拖羅魚蓉兩件都只係 $298，每一件壽司都好新鮮，超級肥美！第二樣鍾意嘅就係個海膽don，首先覺得擺盤好靚，有兩種海膽，加埋幾塊紫菜喺側邊，成碗都只係$168! 海膽冇腥味！秘製牛舌don $58同串燒牛舌 $28我都覺得幾出色，下次一定要帶埋屋企人嚟食！