Espresso Alchemy

Open Now

Now Closed

餐廳以木系同雲石為主調，既優雅又有文青風，非常適合朋友相聚。同一般餐廳唔同係首先自助到收銀處付款點餐，未有趕急嘅用餐時限，可以盡情享受下午時光。 開放式廚房感覺較高級同衞生。🍝黑松露蘑菇意粉 $118香濃黑松露撲鼻而來，配以新鮮蘑菇，軟硬適中嘅意粉沾滿口感細膩嘅忌廉，不帶飽滯感。🥗煙三文魚吐司配沙律菜 $75外脆內軟嘅法包鋪滿薯仔蛋沙律同蕃茄 ,清新開胃。煙三文魚卷曲成花朵，️非常適合打卡。性價比挺高。🍰意式芝士餅 Tiramisu （$49）做法比較正宗，與平時食開嘅非常唔同。口感較為濕潤,入口即溶。而且，甜度偏低，甜中帶苦，除咗咖啡，估唔到酒味亦非常突出。🍫Iced Mint Chocolate $43雖然店舖以咖啡聞名，但朱古力都係佳品。簿荷葉除了裝飾點綴，亦能提煉出自然薄荷味道。整杯濃郁順滑，真係貴精不貴多。另外，自創甜品——咖啡白朱古力西多士亦非常受歡迎，下次可以試下。