良記餐廳(老鳳冰室) (Closed)

深水埗一直都係臥虎藏龍既地方，今晚兔仔兔女就去會一會「老鳳」！見大部分食評都推介「黑松露炒蛋多士」，當然先來一客。甫上枱，比個分量嚇親，黑松露係我地食咁多次經驗以黎最多既一客！炒蛋亦好滑，加上多士既脆，食完真係好想 encore 多次！懷舊雪糕紅豆冰 - 用雪米磁代替雪粒，夠特別。紅豆未算㷛到起沙，而且花奶味較淡焗芝士海鮮保齡球 - 唔少人推介保齡球，外觀好睇，內涵都唔錯，兔女嫌芝士味未算突出，呢個只係芝士控既兔女個人意見，對於其他人可能已經夠晒味道最後我們點左無咩人講既「堡雲蘇焗羊扒」，喺茶餐廳食焗羊扒應該算少有了⋯⋯ 羊扒以木板上枱，再加一籃子炸薯仔，感覺好似去左cafe食西餐，即時高檔左！堡雲蘇既做法係兔女至愛，好香口，羊扒帶有少少騷，而且肉質好軟嫩，好正！