Video
Read full review
2012-08-03
135 views
今日有事來銅鑼灣一趟, 時間緊迫 lunch 也沒時間吃了, 辦妥才去找地方吃下午茶, 一於快快快找個地方醫肚. 銅鑼灣食店真的很多, 拿不定主意想吃甚麼, 只想飲杯凍鴛鴦或咖啡, 見到舊舊的總統商場附近有翠華又有金裝燉奶佬, 決定二選一, 翠華吃得多, 所以看完燉奶佬的餐牌覺得吸引後就是它了!下雨天, 而且才剛剛開始下午茶時段, 餐店內人不算多, 侍應哥哥仔請我隨便坐所以我自己選了一個單邊的兩座位卡位, 枱大櫈寬, 非常舒適, 最值得讚的是沒有那個我近來常常批評的枱底櫃桶頂住腳, GOOD! 食物選擇很多, 餐牌印刷又吸引, 所以我都心多多選了一個下午茶餐再加一客咖哩角呢! (Honey: 唔好睇到呢度又怪責我吃得多, 別忘了文章開頭我已強調我未吃午餐的!!! 所以這是當作一份午餐及一份下午茶餐, 我有兩份餐 Quota 的...嘻嘻嘻....) 食物送到, 炸脾不是落炸漿那種, 看相片便知道, 出奇地好吃入味, 皮脆內嫩滑滑的, 好! 拼菠蘿拼得好, 很平常的罐頭貨一片, 平常不過的東西但其他地方很少這樣跟餐, 人不做你做, 很好! 跟餐加5元有什菜沙
今日有事來銅鑼灣一趟, 時間緊迫 lunch 也沒時間吃了, 辦妥才去找地方吃下午茶, 一於快快快找個地方醫肚. 銅鑼灣食店真的很多, 拿不定主意想吃甚麼, 只想飲杯凍鴛鴦或咖啡, 見到舊舊的總統商場附近有翠華又有金裝燉奶佬, 決定二選一, 翠華吃得多, 所以看完燉奶佬的餐牌覺得吸引後就是它了!下雨天, 而且才剛剛開始下午茶時段, 餐店內人不算多, 侍應哥哥仔請我隨便坐所以我自己選了一個單邊的兩座位卡位, 枱大櫈寬, 非常舒適, 最值得讚的是沒有那個我近來常常批評的枱底櫃桶頂住腳, GOOD! 食物選擇很多, 餐牌印刷又吸引, 所以我都心多多選了一個下午茶餐再加一客咖哩角呢! (Honey: 唔好睇到呢度又怪責我吃得多, 別忘了文章開頭我已強調我未吃午餐的!!! 所以這是當作一份午餐及一份下午茶餐, 我有兩份餐 Quota 的...嘻嘻嘻....)
食物送到, 炸脾不是落炸漿那種, 看相片便知道, 出奇地好吃入味, 皮脆內嫩滑滑的, 好! 拼菠蘿拼得好, 很平常的罐頭貨一片, 平常不過的東西但其他地方很少這樣跟餐, 人不做你做, 很好! 跟餐加5元有什菜沙律, 我未吃lunch所以當然加啦...嘻嘻嘻...熱咖啡很香濃; 咖哩角漲卜卜的三大件, 香脆可口，內裡包著紅蘿蔔絲洋荵肉碎等等, 好吃!
餐廳窗明几淨，枱面用一個“阿加力“膠兜收納好牙簽筒呀、胡椒瓶呀、糖、鹽樽呀、餐牌呀咁，仲要樣樣都好乾淨，睇到都知一定唔會摸落去油淋淋呢！一洗茶餐廳俾人一貫：“係咁架喇！”嘅觀感！抵讚！侍應不多但服務勤快又體貼，當曰正下著綿綿細雨，我想去洗手間，侍應姐姐告訴我在天井，問我有冇遮使唔使遮我，幾好 ^_^ 。侍應哥哥每次收碟都禮貌地先說：“食完喇。。。我幫你收走佢？！”我覺得咁樣好好，比那些很多其他店那類不專業的侍應明明客人在“嘆“咖啡，飲剩最精華杯底嗰两啖未飲完架嘛，又或者食剩两啖飯咁，稍一不留神，佢哋走埋嚟問都唔問“㗩“一下子就收走人家杯飲品。。。咁令人好不爽囉！唔通“喝“停佢咩，你都一手“嗱“咗落去啦。。。算數！今時今日經營一間茶餐廳其實真係幾難，競爭又大，品牌又多，翠華、太興、翠河等等都乾淨專業好吃！價格定位比一般貴少少，但做得好嘛！好似今日嚟到金裝燉奶佬我第一次幫襯，我記得“很久很久以前“它只是店如其名的甜品店，所以估佢唔到做得咁專業咁企理，真好！ 可能有競爭有進步，翠華就在隔鄰鋪，而門口有“自由行“拖晒行李在看餐牌，你想做多些生意，靠什麼吸納更多的客人？食物、價格、服務，缺一不可！這些理論有那位經營者會不知呢？只不過好多店鋪越做越倒退但偏偏有一堆慣性茶客撑得到佢條數就濶佬懶理？！尤其是服務，好似：“嚟得茶記，服務係咁上下啦“。。。但其實“出面“有咁多越做越好的，我們作為客人會得揀呢！要俾錢㗎大佬，我有少少要求都好正常啫！我成曰都同honey 講我要求係好基本，只不過好多食店都本着：[係咁架喇]。。。同埋[唔鍾意咪食囉]嘅心態嚟招待客人啫。。。“花無百日紅呀”。。。互勉之吧！
又係嗰句：做得好的，值得我花時間寫食評“鼓勵“一吓！所以寫了這篇食評送給燉奶佬茶餐廳，希望Keep到水準，我下次再來幫襯呢！
Post
