美味王火鍋 (Closed)

新年去了朋友家樓下間火鍋店, 我係第一次去, 但我朋友已幫襯了好幾次, 佢話d嘢幾低食, 咁就去試吓。去到見裝修都好新淨, 佢有火鍋同小菜, 我當然選火鍋啦! 仲有, 我朋友有張免費火鍋肥牛贈券, 佢話上次食完送嘅, 可由3星級肥牛upgrade至5星級。湯底我叫咗個番茄薯仔牛粒湯底, 番茄好濃, 有d似羅宋湯, 但幾好味、幾特別, I like it。而個免費5星級牛肉都唔錯, 好有牛味, 同我地另外order嘅5星級牛肉, 應該係同一級數, 無欺騙客人。仲有個蟹棒, 比一般d 蟹柳, 蟹味重好多, 個侍應仲話只需涮一下就可以食, 因為日本餐廳都係用黎做sushi。另外, 叫了個雙併手打墨丸同蝦丸, 夠爽、彈牙。其他火鍋配料都幾好。價錢黎講都幾合理, 服務同衛生都幾好!! 下次會再去!!順帶一提, 店外有咪錶位, 方便我呢d駕車人士唔使周圍搵位。