Mee...lemongrass (彩園廣場) (Closed)

原來上水新開左間食泰國野既餐廳，隔離仲有台式飲品店，食野果時可以順便買埋野飲，都幾特別。首先食左鳳爪沙律，酸酸地食幾開胃，份量都幾多，我地4個人食就岩岩好。海鮮喇沙摻摻，海蝦好大隻，份量好足，湯辣辣地都唔錯，如果一個人食絕對夠飽。見呢到有肉骨茶食於是就叫黎試下，湯唔錯，好夠味，肉真係好多，食唔晒，不過呢個冇跟飯，飯就要另外再叫。食到招牌無骨海南雞，呢到係一隻既份量，雞肉好滑，可以點佢配既兩個醬黎食，一隻夠4個人食覺得唔夠食仲可以叫串燒，肉燒得唔會好乾，好有泰國風味。最後一定要食芒果糯米飯，芒果宜家當做好甜，配埋椰汁，好正。