一哥私房菜 (Closed)

係飲食男女見到呢間私房菜既介紹幾吸引，於是打電話訂位，點知都要一個禮拜之後先有位！甘旺場，我為食小妹一定要去試一試！一上到去，人山人海，好彩有訂位，因係任食，walk in要等成個鐘先有位！不過一入去己經聞到好大聞香噴噴雞煲味，一座低職員就問我地要幾辣，因為有fd完全唔食得辣，所以我地叫左bb辣先！等緊既時候送左生蝦刺身俾我地食住先，雖然蝦唔算大隻，但個泰式辣汁好有驚喜！正啊！到雞煲上場啦，見佢任食都冇咩期望，點知又有驚喜！雖然唔係好夠辣，但個味好野味好正！下次叫d食辣既fd再挑戰中辣！話甘快食完，職員問我地要唔要食多煲，雞煲都真係係「任食」！雖然好抵，但女仔quota唔多，我地決定留肚食海鮮蟹煲！個海鮮拼盤好多野食、d料夠新鮮！同類型既任食之前食過新南苑，好多海鮮都唔係任食，而且份量好少！呢間一哥就老實好多，職員招呼都幾好，成日問我地夠唔夠食！汽水菊花茶都真係任飲唔使加錢，仲有甜品送！ 呢間值得推薦！可以encore!