沐白小農 (Closed)

今次係尖沙咀等人，諗住買杯嘢飲下，四圍行，攞飲品時先發現入面勁大，有吧枱又有得充電，就坐底休息。店內播住廣東歌，環境又舒適，碌下電話就過咗半個鐘。大甲芋頭鮮奶($30)其實當時有啲餓，相比黑糖珍珠，芋頭飽肚之餘又無咁肥，（硬要編個安慰自已嘅理由）因為店員見我自備杯又唔要飲管，主動又貼心咁幫我撈勻咗，所以就影唔到兩層啦～芋頭泥口感綿密，加上濃厚嘅明治牛奶，真係勁邪惡。咁足料嘅大甲芋頭鮮奶，飲一杯就飽咗，真係好抵！