Video
Read full review
2017-05-06
101 views
又到星期五啦，我又可以放監去下街啦，今日因爲老公要到觀塘買野之後就諗起有個朋友推介過呢度有任食打邊爐，於是就黎試下啦。價錢分左幾種，老公因爲知我鐘意食牛脷所以就叫左168個隻啦。湯底本身我想揀呢度出名嘅椰子木瓜雞煲，但因為我妹唔食木瓜怕會好大陣木瓜味，所以就揀左個蕃茄湯底。一打開個蓋已經聞到陣陣蕃茄味，個底除左有蕃茄仲有肉碎同洋蔥，所以除左蕃茄味之外仲有一陣甜味。自助吧檯上有各樣蔬菜，款式都算多，仲有埋出面少巿嘅紫薯Tim。另一面就有各種丸類，午餐肉，腸仔個d。另外仲有個冷盤區，佢嘅豆腐沙律個醬有少少辣，幾特別。壽司方面竟然有鰻魚小捲，好驚喜，味道仲要唔錯。仲有一個熱食區，有魚旦，炒雜菜同炒飯。飲品都係一般嘅汽水同紙包飲品，另有啤酒。肉類都唔錯，但每盤係計人頭每人一塊 所以一次過可能要叫幾份先叫，當然咁做係怕有人眼闊肚窄浪費食物啦。牛肉：肥瘦適中，塊塊都好新鮮，唔錯。豬肉：都幾好但偏瘦，煮太耐會鞋，要一熟就立即食。牛脷：第一次食打邊爐落牛脷，感覺好新奇，食耐去有少少難咬 因為本身牛脷較硬身，但味道都唔錯，唔會好大陣穌味。海鮮盤：有青口，魷魚同生蠔，每樣都係按人頭計，樣樣都好新鮮，生蠔都
價錢分左幾種，老公因爲知我鐘意食牛脷所以就叫左168個隻啦。
湯底本身我想揀呢度出名嘅椰子木瓜雞煲，但因為我妹唔食木瓜怕會好大陣木瓜味，所以就揀左個蕃茄湯底。一打開個蓋已經聞到陣陣蕃茄味，個底除左有蕃茄仲有肉碎同洋蔥，所以除左蕃茄味之外仲有一陣甜味。
自助吧檯上有各樣蔬菜，款式都算多，仲有埋出面少巿嘅紫薯Tim。
另一面就有各種丸類，午餐肉，腸仔個d。
另外仲有個冷盤區，佢嘅豆腐沙律個醬有少少辣，幾特別。壽司方面竟然有鰻魚小捲，好驚喜，味道仲要唔錯。仲有一個熱食區，有魚旦，炒雜菜同炒飯。
飲品都係一般嘅汽水同紙包飲品，另有啤酒。
肉類都唔錯，但每盤係計人頭每人一塊 所以一次過可能要叫幾份先叫，當然咁做係怕有人眼闊肚窄浪費食物啦。牛肉：肥瘦適中，塊塊都好新鮮，唔錯。
豬肉：都幾好但偏瘦，煮太耐會鞋，要一熟就立即食。
牛脷：第一次食打邊爐落牛脷，感覺好新奇，食耐去有少少難咬 因為本身牛脷較硬身，但味道都唔錯，唔會好大陣穌味。
海鮮盤：有青口，魷魚同生蠔，每樣都係按人頭計，樣樣都好新鮮，生蠔都唔會話係好細粒，但魷魚值得一讚、好鮮味！
我地仲叫左份黃金雞，估唔到一份有咁大碟，佢係雞件黎，唔知佢本身係唔係跟個椰子湯底，因為雞嘅旁邊有幾件木瓜，上呢個雞時仲有一盅沙薑同2粒青檸，係用黎點雞食，但我地冇咁試到。但雞肉夠滑，煮耐左都唔會鞋。另外檯上面仲有一個沙漏，我地完全唔知有咩用，又冇職員講過，後黎問返朋友原來話係用黎比你計住水滾落雞件，沙漏停左就可以食雞、咁雞就唔會被煮得過火。但我地知道個用法時已經食完了。
另外呢度有雪糕食，係自助嘅。有牛奶味同抺菜味，仲可以自己加topping 。佢仲有一種係出面好少見嘅醬，係香檳提子醬，食落去幾特別，有淡淡香檳味，提子味較重，但味道幾match。
其實呢度係工業區，理應好少人會係放工後經過，但估唔到都全場爆滿，果然我朋友冇介紹錯。
Post
