茶木‧台式休閒餐廳 (Closed)

一解相思台灣美食之苦，特意嚟茶木。點咗酥炸雞排麵……玫瑰洛神花茶 首先當然雞排比想像中薄身，炸粉相對地厚咗少少，咬落肉汁欠奉，但好彩雞排本身肉質唔太差，炸出來唔韌唔"鞋"口，如果炸漿少啲仲好。習慣食麵會先嚐湯頭，佢係用紅燒湯底，味道好濃郁好有食牛肉麵感覺，麵條係手工造嘅寬條麵，好彈牙好厚實嘅感覺，第一眼感覺份量少，但原來食量大的我都夠滿足。玫瑰洛神花茶裡面可能洛神花比例較多，好酸好酸蓋晒玫瑰嘅味道之餘變得有澀味，呢個配合可能比較適合凍飲多啲。