花丸 (Closed)

朋友話帶我去一個特別嘅地方飲茶，本身我諗緊飲茶唔係通常淨係喺茶樓飲嘅咋咩但係佢帶咗我嚟花丸，估佢唔到又有點心可以食喎！未入到去齋睇門面以為係食鐵板燒肉定食嗰啲......點知午市又有中華料理點心套餐，我哋叫咗1號餐入邊有燒賣、蝦餃、鮮竹卷、糯米雞、山竹牛肉、叉燒包、奶皇包先講燒賣，燒賣入邊真係啖啖肉，仲好爽口……之前有食過一啲燒賣啲肉係梅嘅，但係呢度嘅燒賣就好爽口，而且個皮都好薄～蝦餃：皮薄餡靚，啲蝦好似唔駛錢咁，塞滿左個 蝦餃！蝦肉夠爽！山竹牛肉：呢粒山竹牛肉真係好大粒！食到有芫荽，過足口引～糯米雞：糯米雞嘅糯米夠晒煙銀，而且啲餡都有好多，出邊食嘅糯米雞通常都淨係好多糯米，入邊唔夠料，成隻雞都會唔夠味。但係呢度嘅糯米雞入邊有好多料，配埋糯米食簡直一絕！奶皇包：而家好多酒樓都鍾意出流心奶黃包～但係其實我麻麻哋鍾意食流心奶黃包，呢度嘅奶皇包就唔係流心嘅，不過都有好重嘅奶黃味另外分別叫咗烏龍茶同埋熱枸杞菊花茶～夠晒明目養身生～唔似普通茶樓咁淨係有普洱、香片、鐵觀音……有好多唔同嘅花茶選擇！埋單大約$90一位～喺尖沙嘴呢個區域來講都真係唔錯！推薦大家黎食