365炸雞 (旺角中心1期) (Closed)

旺中真係掃街嘅天堂，一樓有幾間炸物店。見到好多人幫襯呢間，我又試下先。聽講佢啲雞好出名，不過最近成日食炸雞，所以嘗試下其他嘢。 落咗單之後，以為好快，有但係都等咗15分鐘。估唔到炸嘢都要炸咁耐，可能好多單啦。 炸拉絲芝士條 15元4條我係芝士控，佢嘅芝士條都幾粗身，一咬落去就可以拉絲拉到好長，勁正，15蚊4條超級抵。咬住拉絲咁長都唔斷 細魷魚鬚送粗曲薯條 28元其實一攞兜嘢覺得超大個兜，食到我超級飽。講返佢嘅魷魚鬚，炸得超級鬆脆，魷魚一咬就斷，唔會好難趙， 同茶樓嗰啲魷魚鬚有得揮。呢個超好食，一定會再回購。 薯條好粗身，外脆內軟。我冇點任何醬汁都已經好好味。如果唔使等咁耐，就最好啦。