流記香港仔艇仔粉

Open Now

Now Closed

特別嚟到呢區，梗係試吓最地道的艇仔粉，心諗末必會撞到，點知當坐街渡埋岸時，又真係咁啱見到大叔，又有好多人排隊，一落船就立刻排隊，以為會好快，所以買定支汽水，點知汽水變暖都末買到，實在等咗好耐，因為大叔只有一人密密做，而好多人都3，4碗咁買走。最後終於利我喇，想要的米粉已經冇哂，唯有要瀬粉，最後加咗隻鴨肶，包好後立刻搵靚位坐低食，第一啖已經覺得正，瀬粉剛好，湯底好味，重加上糊椒粉，惹味呀！鴨肶都好好食，唔會因為放湯而淋咗；另外配粉都好足，豬肚，叉燒味都完全呈現，完全估唔到，以為只是老誌號得個名，點知真係名不虛傳之地道風味。