囍源古早蛋糕 (Closed)

🤩好開心呀！估唔到喺香港都食到正宗嘅台灣古早味蛋糕😍軟綿綿，超好味！咁啱經過深水埗，見到有間小店竟然有賣好多特別口味嘅古早味蛋糕🍰，標榜低糖小油，材料天然，無防腐劑，👶🏻小朋友都食得，所以就買左兩個好特別嘅口味返屋企比小朋友試下🤣🤣店員仲好熱心咁講解💁🏻‍♀️，小店嘅蛋糕以台灣最傳統嘅”水浴法”製作而成，即係格水焗大約3️⃣小時先焗好，比坊間一般嘅焗蛋糕用多幾倍時間先完成到㗎~所以口感同出面賣嘅好大分別😳就算係台灣都唔太多蛋糕店會用水浴法製作咁話🧐好！等我拿拿臨拎返屋企試下有咩唔同先🤩我買左一個班蘭味加特級骯髒面，同埋芝士咸蛋肉鬆味，一甜一咸🤣呢個組合好特別，但味道出奇地夾😍班蘭味好出，小朋友都好鍾意食，一啖接一啖好快清左。而我就鍾意食芝士咸蛋肉鬆味，咸咸甜甜，又唔會太漏，味道配搭得好過引🤣蛋糕食唔晒可以放雪櫃，我覺得雪完之後食仲好味😍，個口感有啲似食雪糕，因為佢真係好綿好軟🤣大家經過呢間小店都可以試下