Video
Read full review
2022-07-11
582 views
估唔到MOS Burger西餐路線。喺銅鑼灣見到呢一間日式嘅漢堡快餐店有意粉，咁梗係第一時間去食啦。一去到發現唔單止有意粉其實仲有埋Pizza，甚至仲有甜品，簡直係雙重驚喜。去到希慎廣場直接搭lift落一層去到food court門口就係呢一間。其實佢個餐牌都幾多嘢選擇：咁我自己就揀咗個忌廉煙燻三文魚意粉，然後再加多$26要個pizza，再加$6有個抹茶鮮奶。落完單之後呢咁就可以自己去搵個位坐，等嗰個警示器一響起就可以過去拎餐點。中午嗰陣時其實就冇乜人楚所以位置都仲有好多。欣賞住銅鑼灣周邊環境食嘢其實都幾開心，視野都算係開陽。好快啲嘢食就嚟到啦，因為係快餐店嘅關係所以成個等待過程唔需要15分鐘。三文魚意粉佢嗰個三文魚其實就有三塊左右。意粉上面有大量嘅芝士粉。忌廉汁喺底，食嗰陣時做稍稍翻動一下意粉。成個Pizza好大份，未做到芝士拉斯嘅嗰個效果，但係食得飽。佢個Pizza其實焗到有少少燶，但又係厚邊，咬落去嗰陣時要用少少牙力。薯條我覺得係好香，唔單只係嗰種油炸味亦都係薯仔本身嘅香味。可以食得出佢啖啖都係薯仔嘅肉。抹茶鮮奶其實就係抹茶粉沖開咗，變成抹茶，然後再倒落鮮奶。雖然我係叫咗少冰，但
其實佢個餐牌都幾多嘢選擇：
咁我自己就揀咗個忌廉煙燻三文魚意粉，然後再加多$26要個pizza，再加$6有個抹茶鮮奶。
落完單之後呢咁就可以自己去搵個位坐，等嗰個警示器一響起就可以過去拎餐點。中午嗰陣時其實就冇乜人楚所以位置都仲有好多。
欣賞住銅鑼灣周邊環境食嘢其實都幾開心，視野都算係開陽。
好快啲嘢食就嚟到啦，因為係快餐店嘅關係所以成個等待過程唔需要15分鐘。三文魚意粉佢嗰個三文魚其實就有三塊左右。意粉上面有大量嘅芝士粉。忌廉汁喺底，食嗰陣時做稍稍翻動一下意粉。
成個Pizza好大份，未做到芝士拉斯嘅嗰個效果，但係食得飽。佢個Pizza其實焗到有少少燶，但又係厚邊，咬落去嗰陣時要用少少牙力。
薯條我覺得係好香，唔單只係嗰種油炸味亦都係薯仔本身嘅香味。可以食得出佢啖啖都係薯仔嘅肉。
抹茶鮮奶其實就係抹茶粉沖開咗，變成抹茶，然後再倒落鮮奶。雖然我係叫咗少冰，但其實佢仲好似係正常冰咁樣。我覺得淨係叫呢一杯嘢飲要$26係有啲唔抵嘅。係套餐加配$6就可以接受。
總體來講，一個高級快餐嘅價錢可以俾你體驗到食西餐嘅感覺，性價比算係幾高。兩個人食左$150。環境係越晏越多人，所以要去食嘅話就要快啲去霸位。
Post
