Video
Read full review
2021-01-08
153 views
冬天不嬲係食雞煲嘅好日子，以前不嬲食開辣嘅雞煲，一直都覺得芝士同雞煲唔係好夾，估唔到今次嚟食咪走雞嘅體驗完全顛覆咗我以前嘅想像，原來芝士同雞煲係咁夾架。我哋兩個人叫咗個細嘅黃金芝士雞煲，啲芝士碎揀咗普通份量。等咗唔係好耐就有得食，估唔到個芝士雞煲嘅賣相咁吸引，店員好細心提醒我哋話芝士比較容易燶，等佢哋溶咗之後記得用細火。芝士雞煲非常邪惡，同韓式芝士炸雞有幾分相似，不過感覺冇炸雞咁油膩，又食到嫩滑雞肉既口感，配上香濃嘅芝士醬，忍唔住食完一件又一件。同埋啲雞嘅份量好多，其實我同男朋友食完個雞煲都已經好飽，不過又想試吓芝士火鍋嘅感覺所以就叫咗餐牌上面推介嘅配菜。我哋叫咗佢嘅鮮炸響鈴，上台之後每隻響鈴差唔多有我手掌咁大件，真係大得好誇張，響鈴嘅愛好者一定要試吓。仲有唔少得嘅就係冰豆腐啦，食親火鍋都一定要嗌冰豆腐，因為佢可以吸到最多嘅芝士醬汁。通常打邊爐都會叫一壺竹蔗茅根清一清腸胃，通常都飲唔夠喉，但呢一度嘅竹蔗茅根份量真係好驚人，我同男朋友第一次試過飲唔晒食完呢餐真係飽到上心口，食量唔大嘅建議兩個人叫一個細嘅芝士雞煲已經好飽，不過如果想試吓芝士火鍋嘅感覺都可以好似我哋咁樣叫啲配菜試吓，絕對唔會
我哋兩個人叫咗個細嘅黃金芝士雞煲，啲芝士碎揀咗普通份量。
等咗唔係好耐就有得食，估唔到個芝士雞煲嘅賣相咁吸引，店員好細心提醒我哋話芝士比較容易燶，等佢哋溶咗之後記得用細火。
芝士雞煲非常邪惡，同韓式芝士炸雞有幾分相似，不過感覺冇炸雞咁油膩，又食到嫩滑雞肉既口感，配上香濃嘅芝士醬，忍唔住食完一件又一件。同埋啲雞嘅份量好多，其實我同男朋友食完個雞煲都已經好飽，不過又想試吓芝士火鍋嘅感覺所以就叫咗餐牌上面推介嘅配菜。
我哋叫咗佢嘅鮮炸響鈴，上台之後每隻響鈴差唔多有我手掌咁大件，真係大得好誇張，響鈴嘅愛好者一定要試吓。
鮮炸響玲
5 views
0 likes
0 comments
仲有唔少得嘅就係冰豆腐啦，食親火鍋都一定要嗌冰豆腐，因為佢可以吸到最多嘅芝士醬汁。
蜂巢冰豆腐
0 views
0 likes
0 comments
通常打邊爐都會叫一壺竹蔗茅根清一清腸胃，通常都飲唔夠喉，但呢一度嘅竹蔗茅根份量真係好驚人，我同男朋友第一次試過飲唔晒
食完呢餐真係飽到上心口，食量唔大嘅建議兩個人叫一個細嘅芝士雞煲已經好飽，不過如果想試吓芝士火鍋嘅感覺都可以好似我哋咁樣叫啲配菜試吓，絕對唔會後悔，下次如果多啲人嚟食嘅話我會想試吓芝士出前一丁。
Post
