米走雞Live

Open Now

Now Closed

最近去咗「米走雞」打邊爐，真係要同大家分享下！今次試咗佢哋嘅蒜蓉トト蜆鍋，一上枱已經聞到超香嘅蒜蓉味，湯底入面有超多蜆肉，鮮甜到不得了！蒜蓉炸過之後更加香口，飲一啖湯，鮮味直衝腦門，真係忍唔住飲咗幾碗先開始打邊爐～我點咗個手打五寶丸拼盤，呢個拼盤真係誠意十足！入面有黑松露手打鮮墨丸、手打鮮墨丸、手打鮮蝦丸、手打M5和牛丸同埋手打豬肉丸，每款都係手打製作，口感彈牙到不得了！特別係黑松露鮮墨丸，黑松露嘅香氣同墨魚嘅鮮味完美結合，食落去層次感超豐富～M5和牛丸亦都係驚喜之作，牛味濃郁，咬落去仲有肉汁爆出，真係好滿足！另外仲點咗虎蝦，蝦肉超級新鮮，size仲要夠大隻！煮完之後蝦肉依然彈牙，鮮甜味十足，蝦頭仲有滿滿嘅蝦膏，煮完之後個湯底更加鮮美～最後一定要提嘅係霜降Prime牛板腱，呢個牛肉真係無得輸！油花分布均勻，肉質嫩滑，輕輕涮幾秒就已經熟透，入口即化，牛味香濃，完全唔需要蘸醬，已經好夠味！無論係湯底定配料都做得非常出色，特別係手打丸類同埋牛肉，真係令人食到停唔到口！如果你係火鍋控，呢間絕對值得一試～下次一定要再嚟試吓其他湯底同配料！

花膠湯湯底經過長時間嘅熬煮奶白色既湯底 飲落清甜滋潤仲好暖笠笠💯澳洲頂級和牛封門柳油花睇落就好靚 色澤粉嫩肉質細膩輕輕涮入鍋底幾秒就食微嫩滑多汁 肉質唔會嚡口👍🏻海鮮拼盤呢款拼盤集合咗三款鮮味嘅海鮮鍾意海鮮嘅直接點呢盤就得 沙白好厚肉又鮮甜脆肉鯇片雖薄但係嚼勁十足涮一下就已經熟透 鮮甜好味而虎蝦肉質亦好彈牙！五香鮮牛肉呢盤牛肉真係有驚喜牛肉加入左五香調味肉質鮮嫩帶住淡淡既香料味💯哈哈蝦中寶呢個係店家獨創既火鍋配料蝦仁彈牙有嚼勁加上帶濃郁蟹香既蟹籽好好味😋

員工是有禮貌的，但有限度服務質素，很少跟進送菜速度、加湯、去煲內的湯油。簡單來講，只係負責出菜，因為客人要自己用手機。另外，出菜速度非常緩慢，真係差唔多上深圳都夠時間。肉類食品需時等候很長，需然已經不停叫服務員跟進，叫過超過三次，但他們全部回覆需時，要跟單出菜。我哋叫的手切牛肉最長等候了45分鐘，最後發現是機切牛，很簿呢😓。再者，冰鮮食物出菜較快，但食物唔夠新鮮，量少，勝價非常比低😓，一定不會再回頭。盡管觀塘區火煱店已經很少。

同朋友聚會梗係要去食火鍋啦，今日我哋嚟到觀塘嘅米走雞火鍋店，食完之後對佢嘅火鍋念念不忘 😇😇😇。📋📋📋 餐牌上面有好多選擇，海鮮，蔬菜，肉類都係食火鍋必食嘅食材。湯底都好多選擇，最後我哋都係揀咗滋補養顏嘅杞子花膠膠原鍋🥘🥘🥘。湯底飲落好順滑，味道好鮮香，杞子提升咗湯嘅甘甜味，好飲👍👍👍我哋叫咗佢哋嘅牛柏葉，將牛柏葉涮到收縮之後就可以食，牛柏葉吸收咗杞子花膠膠嘅湯汁之後，口感好爽脆，完美融合咗湯汁嘅精華，十分入味。之後嚟碟娃娃菜🥬🥬🥬解膩，娃娃菜口感幼嫩潤滑，味道甘甜，食落感覺好新鮮，仲增添咗成個湯底嘅味道，蔬菜系列合格💯。我哋仲試咗佢哋嘅雲吞🥟🥟🥟，雲吞皮薄肉厚，碎餡新鮮紮實，煮熟之後唔單止肉質鮮甜，雲吞皮都好滑嫩，非常回味😋😋😋清清哋而不失美味嘅一餐 😇😇

米走雞Live 位於觀塘 🍲 主打雞煲 🐓 可配多款配料 🥢 有音樂現場表演 🎤 幾有氣氛 🎶🍲 招牌芝士雞煲雞煲鋪滿芝士 🧀 加熱後溶化 ♨️芝士味濃 香氣撲鼻 🐓 雞件嫩滑🌊 涼拌海蜇木耳絲海蜇脆彈 木耳清爽 🍄 兩者涼拌 清脆開胃🦪 美國桶蠔口感嫩滑 鮮美多汁 🌊 大隻新鮮 沒有腥味🐑 蒙古羊肉片薄片柔軟 落鍋涮熟 🥩 肉質不錯 帶點彈性🦐 蟹籽鮮蝦滑蝦肉彈牙 添加蟹籽 🦀 鮮美鹹香 增加口感🍜 黑松露蟹籽魚麵口感柔軟 富有彈性 🍄 松露香濃 魚麵吸湯

早排同事嚟咗呢度打邊爐，話好好食，大推👍🏻咁我就拉埋朋友一齊黎試下。豐富嘅食材同實在嘅份量，令我哋食得爽快💚霜降Prime牛板腱相對瘦且冇太濃嘅牛肉味道，但幾個朋友都覺得性價比好高，朋友點咗好多碟。個人好中意個響鈴，脆身好惹味💥脆炸哈蝦餅係我強烈推薦嘅前菜之一，你絕對不能錯過。份量剛剛好🤏🏻唔會吃得太撐，外表酥香飽滿唔油膩，令我哋愛不釋口。餐廳既蔬菜都十分新鮮🥦🥬🥒🌽🥕咬落清脆嫩口皆有。萵荀色澤淡綠，口感鮮嫩爽脆。藥膳滋補鍋藥材味唔算太強勁，裡邊加咗紅棗、京蔥、當歸、桂圓、杞子，感覺養生🌻再加埋一支啤酒Chill Chill佢，好得過癮~ 米走雞種類之多而且滿足味蕾，真材實料，真係唔怕你叫，最怕你飽！

上個週末，我同朋友去咗一間朋友推薦咗好耐嘅餐廳——位於觀塘嘅【米走雞】。呢間餐廳以佢哋嘅雞煲同火鍋出名，既然朋友咁推介，我哋決定去試下。因為我哋都好鍾意食辣，所以點咗一道火焰麻辣雞煲。上菜時，服務員會喺鍋入面加酒點燃，呈現出火焰效果🔥。麻辣嘅湯底以雞肉為主料，湯底入面有豐富嘅香料，尤其係花椒嘅香味特別突出，增加咗湯底嘅口感同香氣。雞肉滑嫩可口，味道真係好正！食完雞煲入面嘅雞肉後，仲可以加湯變成火鍋。我哋仲另外點咗其他配料，其中包括青花椒牛舌。將口感細膩嘅牛舌放入火鍋煮，食起來味道更加好。喺小食方面，我哋點咗脆炸蝦餅。外層金黃酥脆，每一口都可以食到蝦仁，料好足。仲有萵筍，口感脆嫩，放入鍋入面煮一陣，味道更加好。總括來講，呢間餐廳真係唔錯，尤其係火焰麻辣雞煲，真係我同朋友都非常推薦大家試下。如果你鍾意辣味嘅火鍋，千祈唔好錯過呀！

喺觀塘，有間喺網絡上爆紅嘅火鍋餐廳——【米走雞】。呢間餐廳喺網上嘅好評如潮，各種火鍋湯底選擇豐富，令人忍唔住想去試下。我終於有機會同朋友一齊去體驗呢間餐廳嘅火鍋啦！我哋點咗一鍋金湯桃膠花膠雞湯，主料包括雞肉、桃膠同花椒等。湯底熬煮得非常入味，唔單止好味，仲有養顏效果，特別受女生鍾意。湯汁濃郁，桃膠同花膠嘅搭配令整鍋湯更加滋補。作為牛肉愛好者，我哋梗係唔可以錯過餐廳嘅霜降Prime牛板腱。呢間餐廳揀咗Prime級數嘅牛板腱，帶有明顯嘅霜降脂肪，肉質適中有咬勁，濃郁嘅牛肉香味令人回味無窮，簡直可以話係完美之選💯蔬菜方面，我哋揀咗娃娃菜。娃娃菜同火鍋湯底一齊煮，唔單止令湯底更加鮮甜，仲將湯底嘅味道融入咗蔬菜中，更加好味👍🏻諗唔到呢間餐廳嘅食物咁好味，一度以為只係網絡上嘅虛傳。依家睇嚟，真心推薦大家去試下呢間火鍋餐廳！

有一排特別鍾意打邊爐，啱啱好我嘅好同事外出見客時，喺觀塘附近搵到咗一間好有特色嘅餐廳叫【米走雞Live】。雖然佢哋主打雞煲，但係都有火鍋食，非常有特色。於是乎我哋就安排咗星期五晚嚟呢度打吓邊爐，吹吓水，食個晚餐。嗰度嘅環境畀我一種酒吧風格嘅感覺，座位又好寬敞，非常舒服，唔會窄。我哋要咗一個杞子花膠膠原鍋作為湯底，湯底鮮甜濃郁，非常鍾意佢嘅甜味適中，又唔會膩，而且入面嘅花膠增添咗軟滑嘅口感，好香。我哋叫咗好多樣菜嚟煮火鍋，有幾樣係我特別鍾意嘅。蒙古羊肉片從色澤上睇就係好粉嫩，然後羊膻味唔會重，湯底啱啱好可以蓋過膻味，煮入味咗羊肉都好鮮甜，仲會有羊肉獨有嘅香氣，好好食！然後白鱔魚片口感又好彈好滑，有海鮮嘅甜味，魚肉再配口湯好正！娃娃菜又好新鮮，甜味好濃，口感又好脆，係火鍋最唔可以少嘅菜，一定要叫！我哋兩個人最後都食得好飽！真心推薦大家都嚟試吓！！

好耐冇嚟食雞煲，一諗起雞煲我男朋友同我都一定會諗起呢間🤩最鍾意佢哋嘅麻辣雞煲！火焰麻辣雞煲呢個真係必點！兩個人點細份就夠，辣度都可以揀，我男朋友同我都比較鍾意食辣嘅，點中辣已經好辣🥵成個味道係比較鮮香麻辣，醬汁超級濃郁！最緊要係佢哋嘅雞肉一點都唔乾柴，每一啖雞肉都好嫩滑彈牙！掛滿麻辣醬汁嘅雞肉好入味，麻辣又鹹香十足！🤤食完雞煲之後可以再加湯繼續落材料打邊爐～打邊爐材料都有好多選擇，各式海鮮蔬菜雞肉同和牛呢度都有～🥩蒙古羊肉片切得厚薄均勻，羊肉片肉質軟嫩，一點腥味都冇！輕輕喺湯底涮個十秒就可以開食😋🔥牛柏葉都係打邊爐必點之一！擺落滾湯嘅湯底十幾秒就變得好嫩滑，但係仲保持住牛柏葉獨有嘅彈性同爽脆，一啖咬落去鮮香美味😍🥬之前雞煲嘅湯汁已經好濃郁，所以加咗湯底都唔會淡，燙個生菜都超級入味！正👍🏻

嗰日我一個人係觀塘行街，然後打算返屋企嗰陣就見到呢間米走雞，見佢哋嘅Menu有呢個惹味沙爹鍋，我見好特別就決定喺呢度解決我嘅晚餐。佢哋嘅店員好Nice，個個都好好笑容。環境都好乾淨同好舒服。我點咗一個沙嗲湯底，一份霜降Prime牛板腱，一份虎蝦同埋一份黃金炸饅頭。                                                                                                          沙爹湯很濃郁，仲未上菜我就已經流著口水🤤，食落黎唔會甜膩，好南洋風味同埋好濃嘅花生味，感覺用了不少料調製成的。配上個霜降Prime牛板腱，太好食啦！個肉吸收咗滿滿嘅湯汁，好滑好嫩，咬著會有牛油嘅香氣，絕配！                                                                                                                                                               

講到火鍋，米走雞絕對係我心目中首選嘅火鍋餐廳。前幾日為咗慶祝老婆生日，我帶咗老婆同細路仔嚟呢度食晚餐，真係一個好嘅選擇。老婆點咗金湯桃膠花膠雞湯，呢款湯品非常養生。佢主要以花膠、桃膠同雞肉熬煮而成，雞肉已經熬得軟嫩無比，湯底清潤唔油膩，飲落非常順口。我哋點咗幾款火鍋配料，其中包括霜降Prime牛板腱、M5和牛餃。霜降Prime牛板腱經過廚師精心處理，就算係味道濃郁嘅湯底入面，都可以感受到牛肉嘅香氣。牛板腱嘅味道同口感都好出色。🥩M5和牛餃採用高等級和牛（M5級）作為餃子餡料，雖然牛肉經過腌制，但仍然保留咗牛肉嘅原汁原味。配上Q彈嘅餃子皮一齊食，簡直係完美嘅結合。🥟另外，牛柏葉嘅口感比較有嚼勁，雖然肉質較為緊實，但仍然保留咗嫩滑感。老婆對呢度嘅食物讚不絕口，幸好冇令佢失望。哈哈，下次我哋仲會再嚟試吓其他美食。🤤

早排又約咗飯局～紀錄吓先🤭🤭.✨金湯桃膠花膠雞湯一睇就知已經熬煮咗好耐嘅湯底～金黃色澤超吸引😍餐廳用咗一整隻雞嚟慢火熬煮～雞肉一啲都唔鞋～反而仲好嫩滑！桃膠同花膠亦非常滑潤有咬口～同湯汁相融～口感順滑細膩🤤🤤桃膠同花膠都係非常有營養價值嘅食材～同雞肉一齊變成一道健康又養生嘅湯底👍🏻飲咗兩大碗嘅我感覺身體暖笠笠🥰.✨白鱔片試問邊個會唔鍾意無骨魚片？白鱔魚肉片件件都肥美鮮嫩～落鍋幾秒就可以撈出嚟食～非常之原汁原味！雞湯鍋底好好咁將魚肉嘅鮮美激發得淋漓盡致～入口甘香而且一啲都唔腥😋.✨日本鮮帶子餐廳畀嘅帶子份量都唔少～而去各個個頭都唔細！涮落雞湯鍋底成個超級入味！彈性又緊實嘅肉質入口肥美嫩滑～好幸福啊🥰.✨雲吞必點💯雲吞個頭好大～外皮韌勁十足～而且內餡超級鮮美！皮薄餡大食住真係好舒服好滿足😌

上個週末，我同女朋友去咗一間朋友推薦咗好耐嘅餐廳——位於觀塘嘅【米走雞】。呢間餐廳以佢哋嘅雞煲同火鍋出名，既然朋友咁推介，我哋決定去試下。因為我哋都好鍾意食辣，所以點咗一道火焰麻辣雞煲。上菜時，服務員會喺鍋入面加酒點燃，呈現出火焰效果🔥。麻辣嘅湯底以雞肉為主料，湯底入面有豐富嘅香料，尤其係花椒嘅香味特別突出，增加咗湯底嘅口感同香氣。雞肉滑嫩可口，味道真係好正！食完雞煲入面嘅雞肉後，仲可以加湯變成火鍋。我哋仲另外點咗其他配料，其中包括青花椒牛舌。將口感細膩嘅牛舌放入火鍋煮，食起來味道更加好。喺小食方面，我哋點咗脆炸蝦餅。外層金黃酥脆，每一口都可以食到蝦仁，料好足。仲有萵筍，口感脆嫩，放入鍋入面煮一陣，味道更加好。總括來講，呢間餐廳真係唔錯，尤其係火焰麻辣雞煲，真係我同女朋友都非常推薦大家試下。如果你鍾意辣味嘅火鍋，千祈唔好錯過呀！

原本室友約我聽日去食飯，但佢突然有事，就淨低我一個。我就一個人去觀塘行街，行吓行吓就發現咗呢間港式嘅雞煲店，而且仲有火鍋，睇落唔錯，就打算入去解決今日嘅晚餐。我揀嘅桃膠花膠雞湯真係有金黃色嘅湯底，而且雞肉好大隻，滿滿嘅桃膠同埋花膠，我一個人食到好爽啊！雞湯嘅味道有雞肉本身嘅鮮甜味，特別好飲！仲有桃膠同花膠都好Q彈，好合我胃口！仲有嚟自日本嘅新鮮帶子肉質特別豐厚，仲好有彈性，食落有淡淡嘅鮮味，味道鮮甜，食完仲會回甘，成個口感特別細膩😍而涼拌海蜇木耳絲食落特別解膩，係一道好爽口嘅小食，海蜇都唔會太韌，仲食到海蜇原本嘅味道，加上木耳絲口感更加好！淨係睇青花椒牛脷我都流口水，牛脷切得啱啱好，仲放咗我最愛嘅青花椒，味道更加刺激味蕾，食落特別惹味，而且牛脷嘅肉質都好有彈性，口感特別豐富，吸咗湯底之後更加香，一個字，正！我好耐都冇食過咁爽，呢度嘅嘢食真係好啱我嘅胃口，下次打算約朋友一齊嚟happy hour!