七月餐室 (Closed)

今日去左九龍灣搵朋友食飯，搵左間叫做七月餐室嘅餐廳，佢開喺工廠區入面，估唔到有間咁靚靚嘅餐廳喎。食物方面，揀左酸菜魚同馬來白咖喱雞肉飯，每款小菜都配左絲苗白飯同埋老火例湯，野飲仲有半價添，好抵呀。今日嘅老火湯係紅蘿蔔豬骨湯，非常清甜，好有家的味道，仲有好多紅蘿蔔喺入面，好足料。酸菜魚好好味呀！每一塊魚都好嫩滑，真係一條骨都冇！辣辣地好過癮，用黎撈飯一流。馬來白咖喱雞肉飯，白咖喱係唔辣嘅，好有椰香。飲品方面，我揀左奶茶紅豆冰同埋熱奶茶，奶茶紅豆冰好特別呀，奶茶有濃濃嘅茶味，好飲！